影片
更多
2023-08-15
3685 浏览
突然间想食海鲜又想打边炉，拣咗旺角既壹蒸锅食任食既粥底火锅。全日不同时段有不同收费，我地系平日5:45入座，普通任食火锅每人$199，加海鲜拼盘既话每人$249，系呢间食绝对要加海鲜拼盘！一开始餐厅送左个刺身拼盘做前菜，有三文鱼、甜虾、希灵鱼、油甘鱼、赤背、蟹柳等等，新鲜度正常，本身对呢个刺身拼盘都期望不大，算系正常发挥。之后到戏肉：海鲜拼盘！一上菜有两大盘海鲜，所有材料都系二人份量，分上下两层用蒸锅蒸熟。基本上所有海鲜都系用豉油、蒜蓉同粉丝去蒸，味道调得几好，食落好惹味，职员会用计时器校好晒时间，叫我哋响钟就食得。带子同扇贝都好鲜甜，龙趸同蚝都冇乜腥味，龙趸食落去好滑又冇骨，鲍鱼都算爽口弹牙，蚬同沙白几大只又无砂，最正就系个堆索哂味嘅粉丝。蒸完海鲜仲有好多款细细碟嘅𩠌可以蒸，例如虫草花蒸滑鸡、辣椒鱼头云、豉汁鱿鱼蒸豆腐、清酒蒸蚬、白鳝、小笼包同炖蛋。款式都算几多，味道都唔差。蒸完海鲜之后d精华滴左落去个粥底度，搅匀等粥滚起之后就有一大煲充满鲜甜味嘅猪骨粥食，份量都几多，我地两个人每人食咗两碗都已经好饱。食剩既粥唔会嘥，可以叫职员加高汤再用黎打边炉。打边炉嘅食材种类好多，同出面其他嘅餐
一开始餐厅送左个刺身拼盘做前菜，有三文鱼、甜虾、希灵鱼、油甘鱼、赤背、蟹柳等等，新鲜度正常，本身对呢个刺身拼盘都期望不大，算系正常发挥。
之后到戏肉：海鲜拼盘！一上菜有两大盘海鲜，所有材料都系二人份量，分上下两层用蒸锅蒸熟。基本上所有海鲜都系用豉油、蒜蓉同粉丝去蒸，味道调得几好，食落好惹味，职员会用计时器校好晒时间，叫我哋响钟就食得。带子同扇贝都好鲜甜，龙趸同蚝都冇乜腥味，龙趸食落去好滑又冇骨，鲍鱼都算爽口弹牙，蚬同沙白几大只又无砂，最正就系个堆索哂味嘅粉丝。
蒸完海鲜仲有好多款细细碟嘅𩠌可以蒸，例如虫草花蒸滑鸡、辣椒鱼头云、豉汁鱿鱼蒸豆腐、清酒蒸蚬、白鳝、小笼包同炖蛋。款式都算几多，味道都唔差。
蒸完海鲜之后d精华滴左落去个粥底度，搅匀等粥滚起之后就有一大煲充满鲜甜味嘅猪骨粥食，份量都几多，我地两个人每人食咗两碗都已经好饱。食剩既粥唔会嘥，可以叫职员加高汤再用黎打边炉。打边炉嘅食材种类好多，同出面其他嘅餐厅大同小异，我哋已经食到好饱，所以净系嗌咗生菜、油麦菜同娃娃菜，冇乜点样嗌其他丸类同肉类。
另外仲有几款冷泡茶、汽水、啤酒俾大家任饮，同埋几款韩国雪糕同雪条俾大家任食。整体嚟讲，呢间任食海鲜粥底火锅CP值真系好高，推荐大家黎试吓。
📍旺角西洋菜街1号兆万中心15楼
位置就脚：🍊🍊🍊🍊
餐厅环境：🍊🍊🍊
食物味道：🍊🍊🍊🍊
整体CP值：🍊🍊🍊🍊🍊
30 浏览
0 赞好
0 留言
42 浏览
0 赞好
0 留言
42 浏览
0 赞好
0 留言
49 浏览
1 赞好
0 留言
张贴
