南苑海鮮酒家

营业中

休息中

中午同朋友聚会，去咗呢间餐厅食午餐。服务员介绍咗几道特色菜，最后我哋决定点咗几道第一道炭烧乳猪一上桌就散发出浓郁嘅炭香。外皮烤得焦脆酥香，入面柔嫩多汁，肥瘦比例啱啱好，好香又好好食！鲜菠萝拔丝咕噜肉酸酸甜甜几开胃。金黄色嘅咕噜肉，外脆内嫩，酸甜味道平衡，菠萝口感清爽，配埋猪肉一齐食，增添咗一份独特嘅清新感。油浸笋壳鱼都唔错，外皮炸到金黄色，又薄又酥脆，鱼肉鲜嫩细腻。佢哋处理得好好，唔会太焦。最后嘅烧肉同冰凉嘅啤酒简直绝配😋烧肉外皮酥脆，肉质软嫩又不失弹性，配埋啤酒冰爽嘅口感，中和咗油腻感。一啖肉一啖啤酒，过瘾！今次嘅聚餐，大家都食得好开心，对今日嘅食物都好满意。