新鹿鳴居

营业中

休息中

同事生日，约埋一齐吃晚饭，拣咗去太和中心的「新鹿鸣居」吃潮州菜。这间不需靠装潢，但人流旺盛的食店，看来食物品质应该有保证。我们下单叫了几个小菜，因为人多，有些𩠌菜上枱速度稍慢，但我们一边吃著等，一边倾偈，亦没有太大影响。今次重点推介两个小菜，分别是「潮式煎蚝饼」及「京都骨」。蚝饼上枱时还热气腾腾，炸浆唔算多，外脆内软，蚝仔份量足料，大大粒，鲜味肥美，而最欣赏的是蚝仔洗得干净，吃时唔会咬到壳，亦唔会满口油。京都骨用的材料是带骨的肉排，咬落啖啖肉，肉质软腍唔韧，茨汁做得非常好，浓稠适中，味道酸酸甜甜，惹味醒胃，配饭吃，简直是一绝。总括来说，今餐饭菜很满意，虽然坐位有点狭窄，但胜在食物质素搭够，街坊店嘛，下次再安哥。