INN - I’m Not Nothing (已結業)

INN- I’m not nothing，之前有试过荔枝角分店，气氛，食物质素都唔错，所以再之到访其他分店。今次约左去朋友附近嘅九龙湾E-max分店饭聚一下。餐厅嘅食物同之前食过嘅分店有唔同菜色，而餐牌都系一样鬼马俏皮公主系列嘅风格，十分可爱。我同朋友一人叫左一个主食，再share左个小食。小食第一样上枱，金文拔芝士肉酱薯条，份量都几大份，肉酱嘅肉碎有咬口，唔会太有免治散修修嘅感觉。仲有芝士粒粒，好香浓嘅芝士味，薯条食得出系新鲜炸起, 好脆，高水准！慢煮巴马火腿黑松露酿鸡卷，配薯蓉。薯蓉好食，有少少甜味，但唔会过甜，质感幼滑，配翠肉瓜粒有咬口。另配沙律菜，有芦笋，烧车厘茄等等，颜色丰富之余，配搭均衡。主角鸡卷表皮脆身，肉质唔会过多肥肉，食落嫰口，好有油香。一切开里面好多多菇。里面嘅黑松露菇微香，吸左d鸡油，食落口感丰富，外脆内软，好特别。饮品拣左杯Expresso tonic，同食有少少油腻感嘅食第好夹，有咖啡香味，仲好有清凉感。