影片
更多
2021-06-07
1504 浏览
最近真系好钟意食烧肉，今日又约咗个朋友一齐去试啲未试过嘅烧肉店，今次就拣咗济州烧肉食堂。我哋都比较懒，最钟意叫套餐，贪佢嘅份量预得啱啱好，所以就拣咗呢个2-3人份量嘅济州五花肉套餐。讲到食烧肉，我始终都系比较钟意食韩式，因为韩式烧肉店通常都有唔同款式嘅前菜小碟，仲有炉边嘅粟米芝士同泡菜鸡蛋，而且全部都系无限添加，包你一定食得又饱又满足！济州五花肉套餐总共包咗五款唔同嘅肉类，其中四款放喺同一碟上嘅分别系特选黑毛和牛上贝身肉、特选牛五花、豪快严选牛舌和酱油梅花肉。另外有一碟独立奉上，份量十足嘅就系济州五花肉。特选牛五花烧之前见到雪花分布平均，两边简单烧大概1分钟就食得，因为牛肉非常优质，所以基本上唔使点任何酱汁食都已经好好味。特选黑毛和牛上贝身肉切成不规则形状，正因如此，所以更加能够烧得香口得来又唔会过熟，简直系外脆内嫩，口感一流！之前试过喺另一间韩式烧肉店食过济州五花肉，记得𠮶次仲有店员亲自主理，所以我今次就完全掌握到烧呢大块五花肉嘅技巧，我能够烧到排走咗多余油脂，换来脆边嘅口感，如果仍然觉得太油腻，可以用生菜包住嚟食，咁就更加好食啦！豪快严选牛舌食起上嚟唔似牛舌嘅口感，有啲似普通嘅牛肉
我哋都比较懒，最钟意叫套餐，贪佢嘅份量预得啱啱好，所以就拣咗呢个2-3人份量嘅济州五花肉套餐。
讲到食烧肉，我始终都系比较钟意食韩式，因为韩式烧肉店通常都有唔同款式嘅前菜小碟，仲有炉边嘅粟米芝士同泡菜鸡蛋，而且全部都系无限添加，包你一定食得又饱又满足！
济州五花肉套餐总共包咗五款唔同嘅肉类，其中四款放喺同一碟上嘅分别系特选黑毛和牛上贝身肉、特选牛五花、豪快严选牛舌和酱油梅花肉。
济州五花肉套餐
44 浏览
1 赞好
0 留言
特选牛五花烧之前见到雪花分布平均，两边简单烧大概1分钟就食得，因为牛肉非常优质，所以基本上唔使点任何酱汁食都已经好好味。
特选黑毛和牛上贝身肉切成不规则形状，正因如此，所以更加能够烧得香口得来又唔会过熟，简直系外脆内嫩，口感一流！
之前试过喺另一间韩式烧肉店食过济州五花肉，记得𠮶次仲有店员亲自主理，所以我今次就完全掌握到烧呢大块五花肉嘅技巧，我能够烧到排走咗多余油脂，换来脆边嘅口感，如果仍然觉得太油腻，可以用生菜包住嚟食，咁就更加好食啦！
豪快严选牛舌食起上嚟唔似牛舌嘅口感，有啲似普通嘅牛肉质感，所以唔钟意食牛舌嘅朋友都赞不绝口。
套餐仲包括咗一个大酱汤。
汤底带点微辣，入面有蚬肉、豆腐、翠玉瓜、菇类等等，非常开胃。
既然食烧肉，当然要叫返杯饮品，我就拣咗稳稳阵阵嘅荔枝梳打，朋友就话要试吓济州特饮，估唔到济州特饮味道充满惊喜，呢杯特饮系分别带有果香同茶香嘅味道，仲要茶底味非常突出，够香，除咗美味嘅烧肉外，呢杯济州特饮绝对系我嘅私心推介！
济州特饮
22 浏览
0 赞好
0 留言
张贴
