宴 尖沙咀

上次同朋友嚟呢度食咗晚餐之后就爱上咗呢度嘅美食，尤其系以下几样菜，更加令我深深爱上。👉🏻冲绳风炒猪肉面筋👈🏻香味扑鼻嘅猪肉炒面筋，面筋口感柔软而且有弹性，薄切猪肉又炒得够香，令到面筋非常入味，充满猪肉嘅香味。👉🏻特选5点刺身拼盘👈🏻摆盘非常精致，每款刺身都相当新鲜。深海池鱼肉质鲜嫩肥美，拖罗油脂甘香，入口即溶，海胆入口软滑即溶，带有啖啖嘅海水鲜味，帆立贝柱肉身厚实，味道鲜甜、口感丰富，牡丹虾口感爽脆而且鲜味十足。👉🏻厚烧牛舌👈🏻味道微辣又滋味，食落去感觉非常开胃。牛舌口感弹牙而且肉味香浓，喺调味之下，更加升华咗牛舌嘅美味。👉🏻鸡肉棒👈🏻鸡肉食落口感软嫩，满满嘅肉汁，配埋蛋黄酱，整体嘅味道更上一层楼，令人一啖接一啖，停唔到口。👉🏻花生豆腐👈🏻豆腐滑嫩爽口，口感Q弹，扎实绵密，而且咬落去有浓浓嘅花生香味，食咗仲想再食，念念不忘。整体嚟讲，呢间餐厅真系值得大家嚟试一试。(没有用餐优惠）