樂湯雞麵館 (庇利金街) (裝修中)

今日朋友带我嚟咗呢间餐厅，话呢度系佢嘅饭堂，今日就跟咗佢泥喺度食饭。小店装修简约，但系座位都算舒适，餐牌嘅选择都几多，经过朋友介绍，我哋点左几款热门小食。我哋分别点左口水鸡同沙姜鸡。呢度嘅辣汁有别于坊间，比一般餐厅辣好多，佢哋嘅鸡都好滑，而且鸡味浓郁，好有惊喜！手拍青瓜同麻辣云耳都好出色，青瓜好清新，而且好爽口，云耳配上佢哋嘅麻辣汁，味道提升不少。主食系砂锅龙王云吞鸡，我就选择左粉丝。呢度嘅汤底都好浓郁，粉丝吸收晒汤嘅味道，最后我忍唔住饮晒成碗汤！XO 酱海味三丝捞刀削面入面有花胶同海参，而且份量都好多，冇谂过呢个价钱会食到呢个质素嘅食物。钟意食鸡汤面同埋麻辣嘅朋友一定唔可以错过呢间餐厅！