影片
更多
2017-06-09
1479 浏览
第一次黎yamm食自助餐，今次主题系龙虾，本人很喜欢海鲜，好期待。环境舒服，坐得阔落。可能唔系假期又唔系周末，加上价钱都贵，是日唔多人，大概一半满，因此绝对无唔够食/排长龙既场面。让人好安心慢慢享受气氛同食物。---海鲜---海鲜有开边波士顿龙虾、青口、螺、普通虾、长脚蟹脚和蟹钳等，满满的，龙虾排得有气势，成座山咁！我食左2次波士顿龙虾，龙虾肉好爽口，d肉一d都唔梅，用叉一拉起身，就好轻易食到成排肉。好正呀！长脚蟹稍微未解得切冻，有一两只食到有雪。翡翠螺就不过不失，点上辣椒仔，几爽口弹牙。---生蚝---最爱食生蚝，呢度既生蚝系即叫即开，有2位师傅一齐开，好快排到。是日有2款，分别系美国同法国。每次会比3只，无限refill。生蚝size唔系好大，但系好鲜味。个人比较喜欢法国生蚝，因为蚝味道强烈d，海水味劲d。虽然主题系龙虾，但生蚝毫不逊色！---刺身---有三文鱼、吞拿鱼和剑鱼等刺身，唔会一大块厚切，反而令食客可多食其他刺身或食物。三文鱼肥美，唔会无味。---甜品---除左海鲜外，我最期待系甜品！！呢度既甜品好多，最surprise既系有马卡龙架！！有好多款口味同埋不同颜色既马卡龙可
今次主题系龙虾，
本人很喜欢海鲜，好期待。
环境舒服，坐得阔落。
可能唔系假期又唔系周末，
加上价钱都贵，
是日唔多人，
大概一半满，
因此绝对无唔够食/排长龙既场面。
让人好安心慢慢享受气氛同食物。
---海鲜---
海鲜有开边波士顿龙虾、青口、螺、普通虾、长脚蟹脚和蟹钳等，
满满的，
龙虾排得有气势，成座山咁！
我食左2次波士顿龙虾，龙虾肉好爽口，d肉一d都唔梅，用叉一拉起身，就好轻易食到成排肉。好正呀！
长脚蟹稍微未解得切冻，有一两只食到有雪。
翡翠螺就不过不失，点上辣椒仔，几爽口弹牙。
---生蚝---
最爱食生蚝，
呢度既生蚝系即叫即开，有2位师傅一齐开，
好快排到。
是日有2款，分别系美国同法国。
每次会比3只，无限refill。生蚝size唔系好大，但系好鲜味。
个人比较喜欢法国生蚝，
因为蚝味道强烈d，海水味劲d。
虽然主题系龙虾，但生蚝毫不逊色！
---刺身---
有三文鱼、吞拿鱼和剑鱼等刺身，
唔会一大块厚切，反而令食客可多食其他刺身或食物。
三文鱼肥美，唔会无味。
---甜品---
除左海鲜外，我最期待系甜品！！
呢度既甜品好多，
最surprise既系有马卡龙架！！
有好多款口味同埋不同颜色既马卡龙可以选择，
简直心心眼呀！
马卡龙细细一件，又不会太甜，
劲有冲动试晒全部口味，不过我要留肚食雪糕。
我觉得焦糖味好正，有甜度但系唔会超级甜，外层脆脆的，内部有湿润焦糖酱，任唔住食左3件。
Haagen daz雪糕，
红桑子味够果味够酸，
云呢啦味够自然。
其实haagen daz雪糕就系质素保证，
可以任加toppings例如朱古力酱、花生粒等，唔够饱仲可以既整窝夫！
其他甜品推荐葡挞，
细细个唔会济，用射灯照著，
keep到热度同脆度，
同澳门食既差唔多！
惊喜之一！
---汤---
有中式汤和龙虾汤2款，
我饮左几啖龙虾汤，发觉太咸，饮唔落口。
唔推荐！
个人推荐中式汤多d。
yamm自助餐价钱稍贵，
不过食物质素系一定要保证，
而且环境清静舒服，
偶然豪一次而又得到相对应既服务质素，
我觉得系值得！
**用hsbc白金卡有折
张贴
