韓國錦城飯店 (已結業)

本身我同老公订咗楼下间韩国炸鸡店， 点知劲多人，老公都等到发火 ，所以去咗 4楼呢间韩国餐厅。 一入去已经心知不妙，得小猫两三只。 开头叫阿猪妈落单，点知佢劲鞋口鞋面劲大声嗌等阵，但系转个头又唔过嚟帮我哋写嘢，去做埋啲无谓嘢，再叫佢先至再返嚟落单。 跟住我哋指餐牌上嘅食物点知佢又劲鞋口鞋面咁话“唔好指，讲要啲乜嘢。 好，我忍佢！我哋叫咗韩式烧肉，炸鸡同埋海鲜薄饼。 韩式烧肉就要自己烧嘅，咁我开咗炉之后 就开始烧鸡肉，点知𠮶个阿珠妈又走过嚟指指点点，又话我做咩成日翻，仲要啧我好多好多次，觉得我烧肉烧得好差，又呢又路。讲真，我烧成点都唔关佢事啦！佢仲要快啲烧完熄炉！其实啲嘢食真系唔太差(虽然价格系偏贵)，但系佢嘅服务态度实在令我觉得贴钱买难受。宁食开眉粥莫食愁眉饭，我以后都唔会再去呢间嘢食。 呢个情人节真系经典呀！