隨心華人喇沙海南雞

营业中

休息中

《隨心華人喇沙海南雞》📍鰂魚涌海堤街龍景大廈地下舖，以東南亞美食為主。呢度美食，有皮滑肉嫩的招牌海南雞、多款惹味的喇沙、串燒、小食及甜品等。🥢雞絲木瓜沙律青木瓜絲、紅蘿蔔絲、車厘茄、配上酸辣泰式醬汁，木瓜絲清脆爽口，味道酸酸甜甜又帶辣味，開胃前菜。🥢吉列蝴蝶蝦外層炸至金黃，入口香脆，非常惹味😍🥢火山骨份量相當大，以長型豬脊骨，高高堆疊而成，火山骨上枱後，店員會再淋少許玫瑰露，再點火燒一下，令整個菜加添香氣，仲可以影相打卡😘。每條骨都用上肉瘦脂肪少的豬脊骨，配上以多款香料調配的醬汁。豬脊骨炆至軟腍，肉質鬆化，加上酸酸醬汁，惹味開胃，香而不膩。朋友即時用手抓起火山骨食，話這食法更有味道（店員亦非常貼心，上菜同時，亦會送上作洗手用的檸檬茶）。拉茶、話梅柑桔拉菜，茶/奶味道分明，入口滑溜鍾意柑桔飲的我，今日就點咗加入話梅的話梅柑桔熱飲，味道鹹鹹酸酸，暖胃又可解膩。