茶木‧台式休閒餐廳 (已結業)

有晚九点几睇完戏就同朋友去附近揾下有咩餐厅食，朋友话未食过茶木，就同佢试下一去到店员就提我地last order时间，所以我地就睇完menu快快手落order喇我想食汤粉，所以就点左猪软骨呢个面真系好好食，个面质滑嘟嘟好弹牙，同平时其他台式牛肉面唔同，我最钟意呢种质地既面而且猪软骨够淋，唔错个汤又好香，一上枱闻到已经流哂口水，但系饮左啖就觉得过咸，同埋之后好口渴朋友就点左个手作意粉，但我冇影到相，佢觉得个意粉过淋，唔系好岩佢胃口，但我冇试过就唔乱评价，而我睇个意粉卖相我觉得系唔错既 另外呢位初试茶木既朋友都点左个芒果多士砖一齐share，但本身我地食左个粉已经半饱，而个多士砖实在太大份又有雪糕个啲搞到好济，我地差唔多连半个都食唔到而饮品方面，我朋友点左珍珠奶茶，而我就想试新野，点左薰衣草珍珠奶茶，但薰衣草味讲真有啲奇怪，我觉得原本简简单单既珍珠奶茶已经好好喇