籃子咖啡店

营业中

休息中

行开入屯门探朋友, 咁岩朋友未返到屋企, 谂住系附近茶记hea下, 点知见到呢间价钱几平民化既Cafe, 只有一个后生哥哥仔看舖。简单叫左个Egg Salad Sandwich + Latte Set, 三文治卖相几好, 烘底后入口香脆, 配合蛋沙律, 口感非常特别及讨好, 而Latte 就有几特别既拉花, 奶啡比例适中, 奶泡打得几细, 无粗粒, 入口香滑。转头朋友就到, 原来佢系呢到常客, 重同老板几熟落, 果个后生哥哥咖啡师傅就系老板, 真系人不可以貌相; 跟住老板哥哥上左壶新红茶, 比我地试下, 话未谂到名, 暂时叫住苹果蜜糖红茶; 个外表几优雅, 用tea light暖住, 睇得出老板哥哥系几重视食物品质, 同埋顾客味觉的人, 红茶饮落甜中带有苹果味, 几清新。跟住重同老板哥哥吹左阵水, Cesto 原来系解篮子, 随手一指, 门口天花就有一个竹篮, 感觉几特别, 老板几nice几好人, 下次入开黎一定要再试。