第一郡 (已搬遷) 新店位置

朋友食过好食，琴日摸门钉，原来例休星期一，今日再嚟过，好好彩，唔驶等太耐，目测小店应该廿十个位左右，午餐时间比较多人。我地叫左蟹膏蕃茄汤檬 ，汤底浓郁唔重味精，蟹膏酿在豆腐里，好香唔会散，蕃茄好多汁又厚切，好有口感，檬粉好幼滑。再叫左个甜品系班兰绿豆糕，好烟韧，唔太甜，值得推介，出门越南餐厅好少食到。最后点少得叹返杯越南滴漏咖啡，仲可以叫佢少啲奶，无咁甜，咖啡好浓郁，有厚度，回味。另外见到啲越式三文治，潜艇卖相一流，由于份量好足够，要留返下次先可以试下。