茶涮涮 (已結業)

啱啱同朋友睇完戏，冷气开到好冻🥶，要揾间嘢火锅暖下，系出面就见到入面嘅装修好靓好简约，睇到个Menu个set又有刺身又有和牛咁🤤🤤，好吸引咁就入咗去。个set有活蚝同刺身，一啲都唔马虎，蚝肉饱满，刺身口感细腻👍🏻👍🏻和牛雪花纹一睇就知高汁，将佢放入鲣鱼昆布汤锅 ，涮一两分钟就啱啱好，好快就熟，放乌贼丸、海老丸入去煮，汤汁已经入晒味，个汤好足料😋 季节野菜盘更系点睛之笔，入面仲有蜂巢豆腐，好特别，会吸晒啲汤汁☺️我同朋友一个拣稻庭乌冬，一个拣咗酱油月见饭。作为稻庭乌冬爱好者嘅我要大赞，系呢个天气食到冰冷嘅乌冬，爽！😍😍另外一样要赞嘅系上菜速度几快，好快齐𩠌影相😎