野川拉麵の深燒食堂

营业中

休息中

今日放咗工同家姐喺元朗附近行吓，去到好多嘢食嘅又新街，就比呢一间主打食串烧同埋日式料理嘅餐厅吸引到。舖头都好大，除咗有室内座位亦都设有室外，天气凉嘅时候同啲friend喺室外坐一边饮嘢食嘢都几开心。我哋今次就安排坐咗喺室内嘅一个卡位，位置宽阔，坐得舒服。打开Menu，发现选择都真系好多，有拉面、锅物、串烧、小食同埋刺身等，实有一样啱你心水。我哋今次就一共嗌咗五样嘢，好满足😛1.泰式生虾生虾质地好弹牙，爽口，加埋餐厅自己调嘅泰式酸辣汁，配埋一齐食好惹味，酸酸辣辣好开胃，作有前菜一流。2.清酒汤煮活蚬啲蚬好大粒，同我预计唔一样，我以为系会煮好咁样上菜，估唔到竟然系直接喺我哋面前煮熟俾我哋睇🤩见得出啲蚬真系好新鲜，全部都开晒口，加埋清酒汤食落好鲜味，而蚬肉都好大粒饱满，充满着肉汁，真系好钟意呢道菜。3.六品刺身盛合加生蚝六品刺身包括三文鱼、北寄贝、带子、甘虾、油甘鱼同埋海胆。另外我哋亦都再额外加咗两只生蚝。超级丰富！先讲刺身，全部都厚切新鲜，油甘鱼尤其肥美，油脂香十足。而最令我惊喜嘅系海胆，冇谂过喺元朗嘅一间平民小店可以食到咁高质嘅，又creamy 又甜，一啲都冇腥臭味同化学明矾味，好满足！