影片
更多
2011-06-28
512 浏览
令全家人都食到好火的一餐 - 留家厨房, 绝对冇下次! 一人行九人, 订咗枱晚上八点。 八点准时到, 大家泊车在留家厨房前, 心念第二round枱八点到应比够时间佢哋处理...唉! 热到油都出晒, D长辈块面㶶㶶!! 点解?等咗差不多半粒钟。小弟自觉大件事, 因为我之前同D长辈讲 -- "以前我都去过同一老板开的黄色房门, OK嫁㖞! 试吓新嘢啦! 都好多人赞。 唔好咁闷成日农圃、西苑同利苑啦! ......"位一:等咁耐; 一个人都冇人出嚟笑吓say吓sorry。叫个伙记出嚟say吓sorry都得挂。极唔掂! 冇计, 九人行, 时节冇订位难转地方! 位二:唔见有客出, 最后要上佢哋个一楼"私房"...成半粒钟唔通你系要嚟set枱??? 上到去装汉用夹心木板做墙, 洗手间销唔到门又不太卫生, D伙记出出入入, 热气逼人又闷焗! D长辈块面㶶㶶已冇可再㶶, 大家问 - "边个订位嫁?"......都唔洗小弟再多讲。就一"私房"只能放两张枱的隔嚟枱班老外也问伙记 - "你觉得我哋八人可坐下吗？我们有订枱的。这样是什么安排?" 一脸无奈坐低。而小弟唯有期望食物水平OK可以有个交代..
一人行九人, 订咗枱晚上八点。 八点准时到, 大家泊车在留家厨房前, 心念第二round枱八点到应比够时间佢哋处理...唉! 热到油都出晒, D长辈块面㶶㶶!! 点解?等咗差不多半粒钟。小弟自觉大件事, 因为我之前同D长辈讲 -- "以前我都去过同一老板开的黄色房门, OK嫁㖞! 试吓新嘢啦! 都好多人赞。 唔好咁闷成日农圃、西苑同利苑啦! ......"
位一:
等咁耐; 一个人都冇人出嚟笑吓say吓sorry。叫个伙记出嚟say吓sorry都得挂。极唔掂! 冇计, 九人行, 时节冇订位难转地方!
位二:
唔见有客出, 最后要上佢哋个一楼"私房"...成半粒钟唔通你系要嚟set枱??? 上到去装汉用夹心木板做墙, 洗手间销唔到门又不太卫生, D伙记出出入入, 热气逼人又闷焗! D长辈块面㶶㶶已冇可再㶶, 大家问 - "边个订位嫁?"......都唔洗小弟再多讲。就一"私房"只能放两张枱的隔嚟枱班老外也问伙记 - "你觉得我哋八人可坐下吗？我们有订枱的。这样是什么安排?" 一脸无奈坐低。
而小弟唯有期望食物水平OK可以有个交代....但系...
叫的都系大家成日赞的....以下是位三、四、五、六、七、八、九、＋ ......
(1) 炸鹅肝 x 2客 --> 差! 炸得过火, 鹅肝不是靓货也不太新鲜。
(2) 招牌熏鸡 --> 一般! 真的失望! 熏制的香气不特出, 鸡也"木木"哋。
(3) 虾籽柚皮 --> 可以但没惊喜。个汁也太行货!
(4) 海参 --> 极差! 葱白好似没炒过的...汁还汁 (sorry...系极厚的生粉汁才正确!!) 材料还材料。用料也是很普通的货色。
(5) 生煎肉饼 --> 一般! 太油。
(6) 咖喱鳝 --> 可以...汁配白饭系全晚最好。 但饭只系普通集团式的出品。鳝可以但不出色不够鲜味肥美。粉浆也太多了。
(7)牛肝菌蒸蛋白 --> 蛋白蒸得好滑。 牛肝菌有几粒仔, 汁香浓。但食不出真正牛肝菌的芳香。
(8)荷叶饭 --> 料不太丰富, 不够荷叶芳香的味道!
(9) 啤酒 --> 不够冻 --> 最后连唔冻给我们退货的2支也charge。又浪费时间更进。
留家厨房就系咁? 我哋好失望 (小弟好, 要D家人浪费了一次合家用餐的经验)......米芝莲可价? 因为节日失准、因我哋冇择日...我接受唔到啰
后记: 我们并不是不合理要求的一群, 仲使农圃、西苑同利苑是家人至爱, 我午餐也爱大家乐一哥焗猪扒饭加杯奶茶。食物不分平贵, 卖者要有心, 买是可以感受到。集团式流水作业运作的也好、私房菜也好、精品食店也好, 卖者自称的卖点要「讲得出做得到」! 我跟家人不能讲识食, 只是很爱吃的一群, 小弟我更加什么都试。
张贴