影片
更多
2023-07-27
56 浏览
山本屋🍽️-▫️位于新商场「围方」▫️店面不大，座位比较窄▫️日本过江龙手打乌冬-难得同屋企人去咗行新商场，只系开咗三日，就见到有呢一间剩系得名古屋先有嘅手打乌冬店，过江龙嚟香港开分店，咁就一定要试下啦。当日傍晚排队都排咗两个几钟先有得入去食，但系中咗伏，七点几排排下已经截龙，截龙𠮶阵摆咗牌，职员并指排紧队嘅都会有手打乌冬食。但系去到排剩返十几个人嘅时候，同我地讲手打乌冬已经卖晒🫠净系提供稻庭乌冬，已经排咗咁耐队都冇理由唔食，咁就唯有比一次机会佢。入到去系唔会有MENU睇，只会有一张落单纸，完全无图片睇，由于新开基本上OPENRICE都无资讯。咁就唯有盲叫😂-🔹冷豆腐 $18呢款前菜好够冻，而且豆腐超重豆味，系一款好传统嘅日本前菜，相信亦都好难整得难食。-🔹天妇罗炸虾🍤 x2当落完ORDER无几耐就炸好嘅天妇罗，点知屋企人一咬，发现虾未熟，粉浆都仲系白色😰即刻同职员讲，之后就重新换一碟，炸虾都正常，但炸粉有少少厚。-🔹烧地鸡手羽 (3本)之后呢款鸡翼系超级好食，炸得好香脆，而且好入味👍🏻呢款小食值得叫。-🔹五目煮乌冬 配老店传统味噌 $78由于唔知道乜嘢系五目，所以屋企人就叫嚟试下，最后发现只
-
▫️位于新商场「围方」
▫️店面不大，座位比较窄
▫️日本过江龙手打乌冬
-
难得同屋企人去咗行新商场，只系开咗三日，就见到有呢一间剩系得名古屋先有嘅手打乌冬店，过江龙嚟香港开分店，咁就一定要试下啦。当日傍晚排队都排咗两个几钟先有得入去食，但系中咗伏，七点几排排下已经截龙，截龙𠮶阵摆咗牌，职员并指排紧队嘅都会有手打乌冬食。但系去到排剩返十几个人嘅时候，同我地讲手打乌冬已经卖晒🫠净系提供稻庭乌冬，已经排咗咁耐队都冇理由唔食，咁就唯有比一次机会佢。
入到去系唔会有MENU睇，只会有一张落单纸，完全无图片睇，由于新开基本上OPENRICE都无资讯。咁就唯有盲叫😂
-
🔹冷豆腐 $18
呢款前菜好够冻，而且豆腐超重豆味，系一款好传统嘅日本前菜，相信亦都好难整得难食。
-
🔹天妇罗炸虾🍤 x2
当落完ORDER无几耐就炸好嘅天妇罗，点知屋企人一咬，发现虾未熟，粉浆都仲系白色😰即刻同职员讲，之后就重新换一碟，炸虾都正常，但炸粉有少少厚。
-
🔹烧地鸡手羽 (3本)
之后呢款鸡翼系超级好食，炸得好香脆，而且好入味👍🏻呢款小食值得叫。
-
🔹五目煮乌冬 配老店传统味噌 $78
由于唔知道乜嘢系五目，所以屋企人就叫嚟试下，最后发现只系多咗冬菇嘅分别。本来乌冬已经配有腐皮、大葱等等嘅配料。上枱嘅时候先至开盖，而煲里面嘅乌冬，仍然系滚嘅。
-
🔹黑豚肉煮乌冬 老店传统味噌 $88
之后叫咗另一款，黑豚肉只有三块，略嫌有啲少，但系都几重猪肉味。配菜都系一样。
-
🔹牛肉煮乌冬 老店传统味噌 $98+$20
牛肉都系只有三块，屋企人加咗鸡蛋同腐皮，分别额外加$10，鸡蛋见到佢地系用兰王蛋，所以蛋黄色泽都几靓。
-
由于已经卖晒手打乌冬，我地就只有扁嘅稻庭乌冬食，但系完全错晒。扁乌冬十分之林，由于乌冬系摆喺个锅到，由煮好至上菜，相隔都有10分钟，个锅系滚嘅，上菜嘅时候都不停煮紧，导致到个乌冬软晒，毫无咬口，完全无烟韧嘅感觉。🥲个感觉就好似食紧河粉多过乌冬，所以都有啲失望。
汤底选择咗味噌味，同平时食开嘅味噌有啲唔同，呢款食完会有少少苦苦地回甘嘅感觉，而且偏咸。
-
总结系如果下次唔使排咁耐队，都会考虑再试下佢嘅手打乌冬。不过就真系价钱唔算好贵，都算合理。而且老板都好好人，FEEL到佢有善待每位客人👍🏻排长龙怕得失啲客都即刻主动拎绿茶比大家，好识做🤣
同埋店内真系比较逼，枱与枱之间基本上无咩空位，隔离枱讲嘢完全听到晒😅感觉上系想用尽所有位置，但系当食饭嘅时候都要叫人唔该借借让位就唔太好。
后来其实我地见到隔离枱食吉列猪扒，咁就问店员系唔系可以加呢个小食，但系得知原来系要跟乌冬餐一齐，咁屋企人就再落单一份鸡翼。点知…我哋等咗一阵，见到佢地厨房啲人开始清洁🧹😰就好奇问一问个店员，系咪无落到份鸡翼，点知原来系厨房无收到张单😞咁就唯有取消走啦，开业几日都漏单，应该可以再做好啲。
张贴
