影片
更多
2021-04-17
57 浏览
一开始见到得几枱食，真心惊伏，但因为附近啲餐厅都要等好耐，太肚饿就入嚟试吓，点知太令人惊喜，呢啲小店真系要好好推荐下大家。之前食过荃湾某间刀削面， 一块厚一块薄，汤底好重味精，令到我好耐都冇食刀削面，但呢间啲面厚薄好一致，望住师傅一块块削落嚟，好刀工，令我好想试吓削，哈哈叫咗个上海水饺刀削面，首先份量好多，有成四只大水饺，水饺嘅皮唔会好厚，馅料又好足，非常唔错。而刀削面煮得刚刚好，好弹牙，汤底相对比较清淡，但因为我加咗口水鸡啲汁落去，立即觉得配合得超好，大家都可以一试，真心正。朋友就叫咗个口水肥牛加上海菜饭，卖相一般，但味道超好，一样大大碗饭，啲肥牛唔会煮得太老，仲索晒啲汁，唔算好辣，捞埋饭食好开胃。见小菜价钱唔贵，叫咗个口水鸡同红油抄手，前者系成只鸡髀，啲肉好滑，最重要嘅系个调味好出色，唔会一味得个辣字。后者相比刚才嘅水饺会细只啲，因为抄手其实系云吞，所以个皮更薄，同时亦都更加能够索晒啲汁，不过就略嫌冇咩红油，不过都好食既。见佢仲有凉拌刀削面同热拌刀削面，都想试吓，但实在太饱了，唯有下次啦，呢间我就一定会回头。呢啲家庭式经营嘅小店，要系天后区生存真系好难。
之前食过荃湾某间刀削面， 一块厚一块薄，汤底好重味精，令到我好耐都冇食刀削面，但呢间啲面厚薄好一致，望住师傅一块块削落嚟，好刀工，令我好想试吓削，哈哈
叫咗个上海水饺刀削面，首先份量好多，有成四只大水饺，水饺嘅皮唔会好厚，馅料又好足，非常唔错。而刀削面煮得刚刚好，好弹牙，汤底相对比较清淡，但因为我加咗口水鸡啲汁落去，立即觉得配合得超好，大家都可以一试，真心正。
朋友就叫咗个口水肥牛加上海菜饭，卖相一般，但味道超好，一样大大碗饭，啲肥牛唔会煮得太老，仲索晒啲汁，唔算好辣，捞埋饭食好开胃。
见小菜价钱唔贵，叫咗个口水鸡同红油抄手，前者系成只鸡髀，啲肉好滑，最重要嘅系个调味好出色，唔会一味得个辣字。
后者相比刚才嘅水饺会细只啲，因为抄手其实系云吞，所以个皮更薄，同时亦都更加能够索晒啲汁，不过就略嫌冇咩红油，不过都好食既。
见佢仲有凉拌刀削面同热拌刀削面，都想试吓，但实在太饱了，唯有下次啦，呢间我就一定会回头。呢啲家庭式经营嘅小店，要系天后区生存真系好难。
张贴
