弘 CHIRASHI (已結業)

经历左咁多年既生日， 已经觉得生日平平淡淡咁同我爱人过，已经好满足。由于生日当天系平日，无特别请假去安排啲咩节目，但就认真拣左好几间餐厅去食个饭庆祝，一般日本料理就食得多，有两层丼既就应该唔系间间都有，最后我拣左呢间-弘。 去到原来都有好多丼既选择，我地拣左一个蔷薇二段丼、一个海胆温泉蛋丼、一份银雪鱼 同埋一个忌廉薯饼 (两个人既食量真系有啲过份..) 蔷薇二段丼系我成餐饭最期待既，虽然唔算大份，但成束花靓到真系唔舍得食，单系呢个心思已经抵返哂。好彩唔系得个样，啲玫瑰花(鱼生)都好鲜甜。而下面果层饭，最惊喜既可以话系啲蟹膏，完全无过咁足料同咁新鲜(呢刻我仲回味紧）海胆温泉蛋饭 呢个饭都系我预期既咁细份，系我地眼中佢就只系简单一个温泉蛋饭，唔算有惊喜，海胆都唔系多，但都捞埋都系好食既。银雪鱼 对于一个只系钟意食三文鱼刺身既人黎讲，成餐饭佢最钟意就系呢条鱼。肉质好滑外皮脆卜卜，又唔腥又唔会太咸，赞呀!!! 忌廉薯饼呢款就不过不失，炸过都唔油，但食一旧都觉得好罪恶感。