台灣牛肉麵/中國廚房 (已搬遷) 新店位置

位于广东道嘅一间台湾牛肉面，望到个门面都似系做大陆人生意，所以知道呢间铺头好耐，但一路都冇试过。突然间心血来潮真系想试吓，估唔到都几有惊喜，味道都好唔错。呢间台湾牛肉面味道会比较偏重，因为我钟意浓味嘅关系，所以我觉得OK。我哋两个人叫咗两碗面，分别系红烧牛肉面同四川担担面。红烧牛肉面个汤底好香牛腩香味，面质都唔错，系比较硬身嘅。我最钟意嘅系佢嘅四川担担面，好香芝麻同麻酱香味，面质好滑，非常惹味。另外小食都叫咗红油抄手同糖醋茄子，红油炒手里面嘅肉质唔会好容易烂。另外糖醋茄子，酸酸甜甜，好开胃。所以真系估唔到，以为做大陆人生意嘅餐厅质素一定差，其实食物质素唔错。