昌發泰國粉麵屋

营业中

休息中

两间相连舖，入咗其中一间，上咗阁楼。好处：相对清静；坏处：要递落单纸仔要等咁啱有侍应上嚟传菜，或，自助落楼梯飞纸仔。原始自助落单：自己写号码落单递纸仔。都可能系颇多手机台喺呢边数据只收得1格，所以提供埋免费Wi-Fi账户密码黐喺墙上。猪什河反而其他杂𩠌仲多过猪什：银芽、猪大肠、肠粉、豆卜、猪腩片、烚蛋半只、猪红、少量通菜，唔怪得舖头叫泰式粉面舖，似乎整呢啲粉面佢比较稳打稳扎。有牛味嘅半肥瘦叉烧咁，有可能近坑腩位，好够牛味，因而口感极受喜爱，有堆芥兰、例牌一片生菜垫底，食得过。视觉上「芒果沙冰」同「夏威夷梳打」用嘅杯同隔离枱杯椰汁珍多冰大四分一，但见佢两杯珍多冰都同样居然饮剩一半，好饮度存疑⋯⋯讲番自身嘅「芒果沙冰」，用水仙芒，不太欣赏因本身呢种芒果得死甜芒果香不足，所以搅出嚟杯沙冰都淡；「夏威夷梳打」饮一啖暗叫濑嘢⋯完全复制咳药水味道，只不过因为加咗片薄薄青柠先唔系车厘子咳水味唧⋯有啲搲头蝶豆花本身系草本味居然变种到咳水味？？串烧喺餐牌上写就写鸡牛猪，鸡3串，另外3串有啲取巧，其实系将牛肉同猪肉搅到变肉饼（想像汉堡扒感觉）再烧，食落系猪肉味重过牛味虾饼嚟到得微温，脆度一般。