熊貓咖啡餐廳 (已結業)

今次系两个月内第三次再黎呢度, 除咗一般快餐,茶餐厅我好少去同一间舖去得咁多。但呢度食物好味,环境舒适,服务好,老细好招呼,所以再次黎到。今次我地食咗以下既食品:杂菜焗鱼批 --- 鱼味新鲜而唔会腥, 杂菜配合得刚刚好白汁大虾意粉 --- 白汁入面有香料, 都唔错, 但我食唔出系咩香料。意粉亦煮刚好弹性(唔记得咩汁)煮青口 --- 虽然唔记得个名, 但系蕃茄汁底。青口煮得好啱, 唔会过熟, 跟黎既法包要赞, 皮脆心软。不过𠮶晚冻,啲青口凉得好快。好在凉咗都唔会腥。红萝卜蛋糕 --- 一定要食。暖暖上碟, 红萝卜味浓又唔太甜。朋友食咗double choco muffin, 我试咗少少, 我觉得甜咗啲, 但我一般唔会食得太甜, 所以可能只系我。朋友亦叫咗cappuchino, 佢话唔错。最欣赏既系, 我地落咗order之后,老细就建议上菜既次序, 先上淡味啲既, 再上浓啲既, 好细心。另外再推介一个上次食既, croissant, 要等, 因为即叫即焗。唔系叮返热, 系即焗, 好新鲜。