永華麵家 (已結業)

好耐冇去永华，今晚在演艺睇完表演，特登行过去， 为的当然是传统美味云吞面。但不吃犹可，一吃就劲失望！！首先，面质又干又硬冇弹性，而且色泽灰暗冇光泽，面条直径比正常粗1.5倍， 我以为浸水发胀咗。大佬，我想食嘅系银丝幼面，唔系广东枧水面饼！第二，汤底淡左冇虾和大地鱼味，第三，碗面嘅卖相不知所谓，好似一堆杂草，乱成一团！睇埋面档师傅做面手势，我以为佢系喺街边大排档做车仔面呢！唯有云吞尚ok。加上伙记态度又一贯咁差，卖$46一碗呀大佬， 唔系畀啲咁嘅货色人呀！好明显老细冇心机做，不如折左佢啦，唔好破坏香港人对永华几十年嘅印象！！（ 失望到冇心机影相添）