影片
更多
2012-05-30
12 浏览
我想講呢間舖員工既態度係我見過咁多間食肆最差個間!!!!!我係為左打呢篇食評而突登係OPEN RICE開account, 可想而之我既憤怒去到咩地步!!!!!!!話說今日同男朋友想食窩夫,於是去openrice search,見到呢間野咁高rating就決定去試下. 我地夜晚10點到係旺角總店(近廣華醫院)向一個短頭髮既女員工落單,叫左兩個窩夫 (士多啤梨窩夫&比利時朱古力窩夫). 比完錢之後我突然見到收銀附近有張宣傳單張, 寫住而家$30或以下既窩夫買一送一. 但係個位女收銀係完全無同我地講過呢樣野, 於是我就問另外一個女員工:我: 我想問而家係咪有買一送一?收銀: 寫哂係張紙度, 張紙寫得好清楚架啦. (一副擺明串你既嘴臉) (我地聽到佢咁既答案已經呆左,佢好似唔知咩叫禮貌)見到佢咁既態度已經燥燥地，我地睇完之後都唔明究竟有無買一送一，跟住就再問佢我：我睇唔明喎.個收銀竟然逐隻字讀番宣傳單張上面既字比我聽 “由即日起至6月30日,凡惠顧$30以下既窩夫買一送一”我: 咁即係點? (佢咁串我已經好嬲)收銀: 即係你地都有買一送一, 夾埋有4個窩夫, 明唔明?我: 咁你同事頭先無講丫
我係為左打呢篇食評而突登係OPEN RICE開account, 可想而之我既憤怒去到咩地步!!!!!!!
話說今日同男朋友想食窩夫,於是去openrice search,見到呢間野咁高rating就決定去試下.
我地夜晚10點到係旺角總店(近廣華醫院)向一個短頭髮既女員工落單,叫左兩個窩夫 (士多啤梨窩夫&比利時朱古力窩夫). 比完錢之後我突然見到收銀附近有張宣傳單張, 寫住而家$30或以下既窩夫買一送一. 但係個位女收銀係完全無同我地講過呢樣野, 於是我就問另外一個女員工:
我: 我想問而家係咪有買一送一?
收銀: 寫哂係張紙度, 張紙寫得好清楚架啦. (一副擺明串你既嘴臉) (我地聽到佢咁既答案已經呆左,佢好似唔知咩叫禮貌)
見到佢咁既態度已經燥燥地，我地睇完之後都唔明究竟有無買一送一，跟住就再問佢
我：我睇唔明喎.
個收銀竟然逐隻字讀番宣傳單張上面既字比我聽 “由即日起至6月30日,凡惠顧$30以下既窩夫買一送一”
我: 咁即係點? (佢咁串我已經好嬲)
收銀: 即係你地都有買一送一, 夾埋有4個窩夫, 明唔明?
我: 咁你同事頭先無講丫麻, 我唔明點解你頭先唔解釋囉!
男朋友都係度話佢 “你頭先又唔講清楚,你打開門做生意唔係咁既態度丫麻”. 喂我想講我地得兩個人, 佢一個窩夫已經好大個, total有4個點食丫, 個客落單既時候你提一句唔駛死丫麻! 我地最尾都淨係要左2個,佢送個2個無要到. 我唔明點解佢一開始死都唔肯答我個問題!!!真係好過份!!!!!
就算你真係唔提D客都算啦, 我問你野既時候你D態度唔係咁丫話, 完全係零服務態度可言, 任何一度既服務態度都好過佢囉, 兩位服務員既態度令我地以後都唔會再幫襯. 我番到屋企睇到以前D食評已經有人話過呢間野D員工態度差,估唔到一D改善都無.
如果個老闆係睇到呢篇野既話, 我希望佢真係認真諗下點教佢D員工.
在食物方面, 其實佢既窩夫係唔差既, 但有D乾, 士多啤梨窩夫甜度可接受, 比利時朱古力窩夫無咩味.
不過如果一間舖入面員工既態度係咁差既話, D野食幾好都無用!
张贴