古早味台灣原味 (已結業)

朋友最近先去完台湾，但话咁快就好挂住台湾美食，于是去左古早味台湾原味止一止瘾。餐牌图文并荗，汤、面、饭、小食、饮品、甜品一应俱全。花枝虾排炸得金黄酥脆，放左一阵先食都仲热辣辣，炸粉唔厚，花枝够弹牙，虾肉够甜，非常夹。之前食过ge麻油鸡都系用普通鸡，但古早味ge麻油鸡就用左竹丝鸡，平时煲完汤ge竹丝鸡会鞋鞋地，但呢碗麻油竹丝鸡一d都唔鞋，仲有d似蒸鸡咁滑。汤底咸咸地带麻油香，最怕面线煮到竭挞挞，好彩呢碗面线无煮过龙。牛肉系又厚又大块ge牛展，咬落唔会太淋，亦唔会韧。汤底系传统红烧汤，我估用左豆瓣酱、花椒、八角等淆制，味浓。面系粗面，有d似刀削面，好弹牙，亦都几挂汤，但因为汤底都几咸，如果面条无咁粗阔，挂少d汤，咁就更好。柠檬冬瓜爱玉饮几清润，呢杯野唔系落普通糖浆，甜味系来自冬瓜蜜，几特别，连埋d爱玉一齐饮咬下咬下几过瘾，好快就饮晒成杯！朋友饮紫薯黑糖鲜奶，净睇个名我就觉得甜死人，但我为食所以试一啖，甜度竟然刚刚好，又几顺滑，忍唔住想饮第二啖但朋友即刻阻止左。两款饮品同街边外卖舖价钱差不多，可能仲平d，算抵饮！