喜鍋 海鮮.點心.活刺身 蒸氣石鍋專門店 (已結業)

蒸气锅近排好hit，之前都食过一两间，觉得都唔错，同打边炉比较，感觉上会清d同冇咁热气，所以本身都几钟意食，但呢间喜锅既食物好新鲜，而且服务很好，又坐得舒服，而且唔多人，唔会好烟，一定要推介一下! 餐牌有好多选择，一于乜都叫d～加洲象拔蚌 象拔蚌一只好大，个胆放喺粥底度煲，个身切丝加蒜蓉粉丝蒸，象拔蚌丝好弹牙爽口，同蒜蓉粉丝一齐食，增添口感，极为鲜甜，粉丝索哂象拔蚌既鲜味，一滴汁都冇哂，所以好鲜味爽囗。淸蒸和牛片 和牛切得好薄，入口即溶，溶化后化成鲜嫩香滑既牛肉汁，好juicy，冇腌过，原汁原味，净系食鲜嫩都够哂! 笼仔虫草花鲍鱼糯米饭 一蒸起好香，鲍鱼片鲜嫰，糯米饭好香，而虫草花本身冇乜味，烟烟靱靱，同调过味既糯米饭一齐食，味道啱哂，不浓不腻，非常特别!金粟手打墨鱼丸 每粒都系餐厅既师傅打出黎，包保新鲜，果然系好弹牙，食得出用左好足料既墨鱼肉打出黎，啖啖弹牙多肉，加上甜甜既粟米粒，令呢个超弹牙墨丸，再加上一点特色~蒜蓉蒸窝荀 窝荀既皮去得好彻底，所以好软身，好滑身，而且好爽口，正! 鲜榨橙汁 系咪想问"连橙汁都要介绍?!唔系化?!"正