Bingo & Cook (駱克駅) (已搬遷) 新店位置

真系好挂住去韩国🇰🇷旅行，由其我系酒店隔离完14日，真系好想食好西，所以就book 左Bingo & Cook。其实好耐之前一开业有系旧店食过，今次再食都系保持水准，餐牌仲多左酱油蟹。🦀蟹肉盖饭🦀其实系酱油蟹肉拌饭，仲有半熟蛋，蟹子，韩国紫菜。唔识食蟹或者怕麻烦嘅人士必食，因为啖啖蟹肉，加埋蟹子脆卜卜，两样非常之夹，鲜味十足。钟意佢嘅酱油蟹肉唔会超级浓味，仲食到蟹肉嘅甜同质感。🥘部队锅🥘好丰富嘅部队锅，由其我真系好钟意食韩国拉面同年糕，真系次次都一定食。入面嘅五花腩配合辛辣汤，食完都唔会觉得好肥腻。虽然入边嘅材料唔系名贵食材，但呢个组合绝对系comfort food，令人食极都唔厌。🍗甜辣无骨炸鸡半份🍗配合香港人嘅口味，唔会太辣，真系做到sweet and chili。半份都有六，七件鸡，而且旧旧都啖啖肉。鸡皮炸得香脆，鸡肉仲好嫩滑Juicy。配合左两个酱汁，不过就咁食已经好入味，点咗其中嘅蜜糖芥茉酱反而减咗辣味。🥛Oreo 奶昔🥛唔会太甜，饮到粉粒Oreo，但又唔会饮完饱左。🍺柚子Coronartia 🍺配合柚子非常清新，Corona 比较清淡，适合女生饮用，又解辣。