影片
更多
2011-03-28
13 浏览
一入到@Rex就可以见到排蛋糕樻，见到就开心啦...其实每次到@Rex都系贪佢啲set lunch可以拣coffee or cake，当然我就一定拣蛋糕啦…Soups - 如果钟意较为gravy感嘅汤，咁@Rex通常都唔会令你失望，因为佢啲汤应该系用新鲜材料打磨而做... 我将曾经饮过嘅汤排咗名次：1.Mushroom soup - 系@Rex我最钟意嘅汤，好rich、好heavy、好浓嘅蘑菇味，有好多一粒粒磨碎咗嘅新鲜蘑菇，但系我就有friend话太似糊仔好唔钟意㖞，各人口味唔同啦…2.White bean soup - 亦系较为rich同heavy嘅汤，好浓烈嘅豆味，钟意豆嘅人应该会满意，不过佢只系最多排第二。当然，亦系有人话太糊仔啦…3.Pumkin and cream soup – 都唔错，好有pumkin味4.Celery and potato soup - 亦系较为rich，不过有D celeries 响度，所以就唔会太heavy…Main courses - 佢哋嘅main courses通常都系同一般意大利餐厅咁样唔会差，但系就一定唔会有惊喜…（排名不分先后）：1.La
其实每次到@Rex都系贪佢啲set lunch可以拣coffee or cake，当然我就一定拣蛋糕啦…
Soups - 如果钟意较为gravy感嘅汤，咁@Rex通常都唔会令你失望，因为佢啲汤应该系用新鲜材料打磨而做... 我将曾经饮过嘅汤排咗名次：
1.Mushroom soup - 系@Rex我最钟意嘅汤，好rich、好heavy、好浓嘅蘑菇味，有好多一粒粒磨碎咗嘅新鲜蘑菇，但系我就有friend话太似糊仔好唔钟意㖞，各人口味唔同啦…
2.White bean soup - 亦系较为rich同heavy嘅汤，好浓烈嘅豆味，钟意豆嘅人应该会满意，不过佢只系最多排第二。当然，亦系有人话太糊仔啦…
3.Pumkin and cream soup – 都唔错，好有pumkin味
4.Celery and potato soup - 亦系较为rich，不过有D celeries 响度，所以就唔会太heavy…
Main courses - 佢哋嘅main courses通常都系同一般意大利餐厅咁样唔会差，但系就一定唔会有惊喜…（排名不分先后）：
1.Lamb chop - 真系平平无奇，唔会话好林/好滑，但系就唔会“High” ，肉味一般。反而，焗蕃茄就特别少少，个面系crispy crumbs。
2.Prawns with angel hairs - 成碟angel hairs得几只虾，而味道亦是一般cafe都有嘅味（即系olive oil + herb 如rosemary、parsley、etc）…
Desserts：
1.Raspberry white chocolate cake – 酸酸哋嘅cake，好smooth、好soft，分咗几层，raspberry味好特出，white chocolate嘅味较淡，要分层食先食得出，虽然系咁，但系整体嚟讲佢系一件好好味嘅蛋糕，所以我有时都会特登订嚟做birthday cake。
2.Lemon cheese cake – 质地同raspberry white chocolate cake好似，一D都唔溜，不过似Lemon mousse cake多D，因为真系食唔出有cheese cake味道，但系如果当佢系Lemon mousse cake嚟食咁就即刻高分咗好多啦！
3.Apple crumble – 最唔喜爱嘅@Rex甜品，皮身林而无layer... 苹果只系食到cinnamon...而本身我就比较钟意D苹果用syrup加cinnamon一齐整出嚟嘅味道，所以不好此道。:
以价钱嚟讲，有朋友觉得唔太值，因为感觉D品质系好平凡…不过，我就觉得以中环呢区，一个set lunch有汤、main course同甜品连埋加一约$130，附近有好多质素差唔多或者差过佢，但比起佢仲贵嘅就大有人在啦…但系如果我唔响呢头返工，我就唔会特登嚟食啰…
张贴
