和牛燒肉‧純

营业中

休息中

Honey乃工作狂一名，事事亲力亲为，每每接咗新项目都情愿牺牲约会时间 ，晚餐往往都未必会食足一个钟。XO仔收工时间较稳定，见周四晚六点前坐地鐡过海又唔会话太迫，所以寻晚就专登走咗去尖沙咀会合情人，应佢同事推介喺会场附近一家叫「和牛烧肉‧纯」度食咗个快闪烧肉餐。店子门前地下摆设一座流水大石，莫非系风水阵 ？！傍晚时份店内已坐满客人，接待处旁o既二至四人枱座无虚席，两口子就被带入后方o既一条走廊。经过近窗一边有两群日本食客，佢地高谈畅饮，边食边追加，恍惚正为餐店其他食客打下强心针。可能因有预先订座，二人得以入座舒适阔落o既四人卡位式厢房，如果想进一步提升私隐度更可拉下布帘，感觉极之高雅卫生 。四周简单以木为主o既间隔并无花巧o既装潢，墙上都只系见到推介黑板、和牛o既靓相及简介，自然地流露出「纯」o既理念 。餐牌上除咗列出不同菜式，封面及附页亦有解释何谓「佐贺牛」、何谓「和牛」、以及牛只不同部位o既名称同特质，图文并茂，非常详尽。 深知小肥忙于拍照，自己又要赶回会场，honey就一口气叫齐沙律、烧肉、及饭品，当中亦不忘加多杯梅酒好等细佬欢乐一下 ，真系细心周到。「纯」乃烧肉专