Seafood Stand (已結業)

同朋友尖沙咀行完街又攰又饿，行去尖东站搭车途经呢间舖头，我哋就走左入去医肚。睇下餐牌，餐厅主打汉堡同沙律，汉堡餐包薯条、汽水都系四十几、五十几蚊，价钱公道。我哋点咗：安格斯牛堡餐($58) - 呢个餐包括汉堡、薯条同汽水。汉堡馅料有: 安格斯牛肉、芝士、番茄、红洋葱、生菜、酸瓜，用料新鲜，口感味道丰富。主菜安格斯牛肉牛味浓郁，口感幼滑。正！跟餐嘅薯条的薯仔味浓，比一般的快餐店薯条好食好多。👍鳗鱼汁猪堡餐 ($55) - 同样有薯条同汽水。猪堡肉质juicy唔嚡口，加上酸酸甜甜嘅白萝卜丝同鳗鱼汁，味道鲜美，配搭简单但十分好食。推介！👍炸白菌 ($25) - 白菌新鲜爽口，炸酱松脆唔油腻，配上味道酸甜嘅酱汁，一啖一粒，过瘾！😋烟三文鱼薯仔沙律 ($45) - 材料有烟三文鱼、薯角、番茄、红洋葱同沙律菜。材料新鲜，烟三文鱼肉质紧致，口感弹牙；沙律本身加左黑醋调味，再加上沙律酱，清新好味😘有美味薯条我哋额外点左下面的酱汁：蚝味蛋黄酱 (跟餐+$5) - 质感厚身，蚝味浓而唔腥，辣味沙律酱 (跟餐+$5) - 酸酸辣辣，滋味过瘾😜呢间系一间以滋味美食取胜的小店。