Fleur (翩滙坊) (已結業)

留意咗呢间以食用花为主题嘅澳洲菜餐厅一段时间，但好少去荃湾所以一直未有机会试。最近先发现将军澳都开咗分店，为咗避开人潮所以拣喺三点前嚟到，就算weekend都唔使排队。餐厅面积都几大，位置都算多，店内摆咗好多观叶植物跟休闲风格装潢好配搭。两个人点咗一份pancake，一件蛋糕同两杯饮品。首先上枱嘅系Flat White同Velvet Latte，粉红色嘅Velvet Latte好可爱，饮落无乜红菜头阵泥味，平时唔食红菜头嘅我都接受到，估唔到味道唔错。毛冷球蛋糕卖相非常可爱，像真度高！一共有四个颜色四个口味选择，我拣咗浅粉红色系番石榴味。Mousse蛋糕细滑，番石榴味清新又自然，而且甜度低，适合食得健康嘅人。为咗呢个花花pancake而嚟，果然无令人失望。表面铺满食用花同生果，卖相好吸引。pancake松软唔会太干而且蛋味浓郁，底层蓝莓酱令味道更丰富。配埋面头嘅Mascarpone cream好好味而且份量大，两个人share都够。总括嚟讲食物质素唔错，除咗卖相满分味道都好餐厅环境都唔错，枱同枱之间有适当距离，坐得舒服。下次会再嚟帮衬，试下其他菜式。