Tea WG Salon & Boutique (又一城)

营业中

休息中

今日同妈咪去咗试Tea WG 嘅 lunch, 可能因为系平日嘅关系，12:30 walk in 都有位。餐厅只有十几张枱，虽然之后陆续都坐满了，但唔会好嘈吵，系慢慢食嘢倾偈嘅好地方。我哋两个人都拣咗Full Set Menu ，安格斯西冷要另外加钱($308 + $60)。餐包够热对我来讲好重要，因为热嘅面包先够软熟。牛油够香，加上紫菜丝同脆粒增添口感。妈咪拣咗粟米忌廉汤，都几幼滑。我拣咗沙律，卖相精致，酱汁微辣。主菜大家都叫咗安格斯西冷，牛扒准确地烤成medium 的程度，中间仍是嫩红色，不过因为是西冷部位有少许筋，牛肉浓汁内的普洱味不太突出。青豆好嫩，连平时唔食豆嘅我都可以食晒。甜品可以自选甜点推车中的蛋糕，我拣咗黑森林普洱蛋糕。呢个唔会过甜，质感厚实，几好食。妈咪要跟餐嘅甜品（柚子慕丝配抹茶雪糕），由于我个人口味不特别喜好抹茶味同柚子的酸味，所以我只比4星，不过妈咪话好食。餐饮我拣咗冰茶，劲大杯，但我觉得略带少许药水味….妈咪要热茶，温和唔苦涩，饮落好舒服。