影片
更多
2017-05-02
74 浏览
同人讲去饮茶，大家剩系谂到烧卖，虾饺 但原来有D系专系品茗，叹茶既地方 呢间位于尖沙咀加连威天桥旁的茶苑，每日返工都会见到佢 今日终于约埋朋友黎呢度试一试~做一日文人雅士~ 一入到黎，就见到呢个咁有故乡色彩的摆设~ 座位都采用临窗采光，隔了一块玻璃，同出面好似2个世界咁~ XD 想隐秘D，都有呢个咁舒服的角落~ 呢度除左饮茶，其实都几似一个茶艺博物馆~! 有好多唔同的饮茶工具，唔同的茶叶介绍，睇啱仲可以买回家的~ 就好似呢套手绘青花瓷，一个焗盅要1000蚊~当然，识货者会懂得欣赏的~ 至于我地呢D初阶，都系用番茶苑提供的茶具(茶具都系宜兴出品的呀) 茶呢，其实都分有好多种，有大家熟悉的红茶，白茶，绿茶 呢间茶室，以饮岩茶为主~ 岩茶，即系以生长在岩上面的植物制成的茶~ 而当中，又以大红袍最顶级，最出名~ 当然，剩系大红袍都有唔同级数架~ 我地可以以7g茶叶 冲一壶茶为单位咁样ORDER ~ 如果2人以上，茶室仲有一D套餐可以拣添~ 我同朋友就拣左一个HKD 188 的套餐 有密云龙大红袍 (雅．醇和) 7g 同密云龙岩茶 (武夷水仙) 7g 其实每一款套餐都系精心配搽
但原来有D系专系品茗，叹茶既地方
呢间位于尖沙咀加连威天桥旁的茶苑，每日返工都会见到佢
今日终于约埋朋友黎呢度试一试~做一日文人雅士~
一入到黎，就见到呢个咁有故乡色彩的摆设~
座位都采用临窗采光，隔了一块玻璃，同出面好似2个世界咁~ XD
想隐秘D，都有呢个咁舒服的角落~
呢度除左饮茶，其实都几似一个茶艺博物馆~!有好多唔同的饮茶工具，唔同的茶叶介绍，睇啱仲可以买回家的~
就好似呢套手绘青花瓷，一个焗盅要1000蚊~当然，识货者会懂得欣赏的~
至于我地呢D初阶，都系用番茶苑提供的茶具(茶具都系宜兴出品的呀)
茶呢，其实都分有好多种，有大家熟悉的红茶，白茶，绿茶呢间茶室，以饮岩茶为主~
岩茶，即系以生长在岩上面的植物制成的茶~
而当中，又以大红袍最顶级，最出名~
当然，剩系大红袍都有唔同级数架~
我地可以以7g茶叶 冲一壶茶为单位咁样ORDER ~
如果2人以上，茶室仲有一D套餐可以拣添~
我同朋友就拣左一个HKD 188 的套餐有密云龙大红袍 (雅．醇和) 7g 同密云龙岩茶 (武夷水仙) 7g
其实每一款套餐都系精心配搽过的，有浓和淡两种不同口味，等大家可以试试不同茶种~有不同的口感~
我们的第一壶，就选了密云龙大红袍 (雅．醇和)
我是门外汉，但见茶叶大小均一，一条条，不是碎湿湿那种, 而且有明显的红绿相间颜色~闻落去有很清香的茶叶味~
待应很耐心地同我地讲解同示范左一次冲茶的次序同技巧
首先，要用滚水将所有用具都热过~
之后，就可以放入茶叶，加 100度的滚水 (饮岩茶的水温很重要，水一定要有95-100 度才可用作泡茶呀)
将水倒入壶后，就可以马上倒出黎了~ (唔系好似平时酒楼咁浸住D茶叶架)茶会先倒系一个玻璃瓶内
呢个瓶又叫公平壶，就系均匀了每一转茶的浓淡
第一转系洗茶叶，不要的，要第二转才可饮用~
可以上茶了~
但见茶色清彻，入口醇和~
大红袍很耐冲，冲了五六转，还有色和味~另一个密云龙岩茶 (武夷水仙)
同样系岩茶的一种，但当然，比起大红袍系低级了~
水仙色泽铁青带褐~属于半发酵的青茶，故香味较突出~
入口虽不及大红袍的圆润，但有回甘茶味略带少涩，但余味久远~
所有茶餐均附有一盘小食，都以清淡的干果以主，以免影响茶味~
和待应闲聊，原来呢度仲不定时举行一D工作坊，甚至有包场服务等大家有机会接触多D茶艺文化~
香港近年都开始兴起呢D茶室系度饮半日茶，附庸风雅一番，感觉自己都即刻书卷气左~
有机会，不妨约朋友黎呢度 "饮茶" 呀~
题外话/补充资料：
茶苑设有WIFI 服务
茶苑没有熟食供应，大家可自行带食物上去品茗~
(以上食记乃用户个人意见 , 并不代表OpenRice之观点。)
张贴
