海老名沾麵

营业中

休息中

今次去深水埗朋友细佬带我哋揾食，一阵子无行过深水埗，呢度多咗好多特色小店进驻，呢日我哋就食咗一间沾面店。小店门口位唔特出，就咁行过极之容易会Miss out，想去食嘅朋友要留意。面店主打虾汤湍占面，三款汤底都系以虾为煮，包括虾汤酱油味、虾汤味噌同虾汤蕃茄，另外亦有限量供应嘅广岛蚝汤面，店主话每日限量5碗，想试的话12:00就要去食饭啦！一行三人我哋叫咗虾汤酱油同味噌味，叫好之后就会上一碟紫菜，上面有啲好似天妇罗嘅脆脆，店主话包住好似手卷咁食就ok。对于非常爱好脆脆嘅我嚟讲，系超赞的口味！之后重点就当然系沾面！首先出场系面，面够粗，每一个位置都可以挂上汤汁，而家够软糯唔会太硬太淋，好食！汤汁真系无话可说，一送上已经见到碗面面泛出虾油，一啖呷入口即刻有虾味涌出，应该用咗好多虾头煮汤，加上汤汁入面有樱花虾，成件事同虾有更加大嘅关联。食完面之后，店家会为客人汤汁加入清汤，俾客人品味一下汤嘅鲜味，加入汤之后饮用又有另一番风味。