影片
更多
2018-02-07
296 浏览
虽然有啲人话去少次日本就可以够钱买楼，但系其实有咩可以阻挡香港人去日本嘅心吖？今年嘅工作真系好繁忙，连返「乡下」嘅机会都冇乜，要解呢啲单思嘅苦最好就系食返啲好味嘅日本菜喇！其实有阵时都好佩服自己好够胆试新嘢，虽然有阵时都会中伏，但系如果揾到一间真系好味嘅小店系好开心嘅！入到去坐低，店员好热情咁样为我地递上餐牌，呢啲咁冻嘅日子有杯热辣辣嘅茶系正嘅！睇一睇个Menu，都好多嘢食拣，但系我真系好想好想食寿司，所以问都冇问过大少就决定买呢一个极上寿司拼盘😜其实大少麻麻哋鱼生，所以有阵时去食日本嘢真系要拣番啲有质素嘅俾佢食，因为稍为争小小佢都真系会唔食😒上菜时间唔算好快，都等咗成15分钟先至上呢个寿司拼盘。正当我想问店员之际，佢捧住一大盘寿司过嚟仲要摆到咁鬼靓，我直头觉得有啲唔好意思！全部嘅刺身都真系非常新鲜，仲要系块块都厚切！连平时大少最憎食嘅剑鱼腩佢都话好正，咁就知道我冇拣错喇！牡丹虾系我嘅至爱，连个头啲膏都甜到不得了😍唯一争少少嘅就系个龙虾沙律寿司，就系有少少咸啫，但系都已经好味过好多日本餐厅啦！吞拿鱼腩卷亦都系我好钟意嘅寿司，佢呢度摆到成朵花咁其实真系好吸引。所谓色香味俱全，摆盘系真系唔
虽然有啲人话去少次日本就可以够钱买楼，但系其实有咩可以阻挡香港人去日本嘅心吖？今年嘅工作真系好繁忙，连返「乡下」嘅机会都冇乜，要解呢啲单思嘅苦最好就系食返啲好味嘅日本菜喇！
其实有阵时都好佩服自己好够胆试新嘢，虽然有阵时都会中伏，但系如果揾到一间真系好味嘅小店系好开心嘅！
入到去坐低，店员好热情咁样为我地递上餐牌，呢啲咁冻嘅日子有杯热辣辣嘅茶系正嘅！睇一睇个Menu，都好多嘢食拣，但系我真系好想好想食寿司，所以问都冇问过大少就决定买呢一个极上寿司拼盘😜其实大少麻麻哋鱼生，所以有阵时去食日本嘢真系要拣番啲有质素嘅俾佢食，因为稍为争小小佢都真系会唔食😒
极上寿司拼盘
$598
13 浏览
0 赞好
0 留言
上菜时间唔算好快，都等咗成15分钟先至上呢个寿司拼盘。正当我想问店员之际，佢捧住一大盘寿司过嚟仲要摆到咁鬼靓，我直头觉得有啲唔好意思！
全部嘅刺身都真系非常新鲜，仲要系块块都厚切！连平时大少最憎食嘅剑鱼腩佢都话好正，咁就知道我冇拣错喇！牡丹虾系我嘅至爱，连个头啲膏都甜到不得了😍唯一争少少嘅就系个龙虾沙律寿司，就系有少少咸啫，但系都已经好味过好多日本餐厅啦！
香葱鲔鱼腩小卷
9 浏览
1 赞好
0 留言
吞拿鱼腩卷亦都系我好钟意嘅寿司，佢呢度摆到成朵花咁其实真系好吸引。所谓色香味俱全，摆盘系真系唔少得嘅尤其系日本菜！中间嘅葱，细细条，都系啲比较好啲嘅日本餐厅先会用到。之前去台湾食omasake ，师傅都讲过呢啲葱比较贵唔系间间餐厅都会用！佢完全冇𠮶种青青地嘅味道，反而夹埋寿司一齐食系有股好香嘅味，仲有少少爽口嘅感觉㖭！
海胆军舰
7 浏览
0 赞好
0 留言
我最爱嘅海胆海胆海胆呀😍😍😍
一睇就知道份量一啲都唔孤寒，淡淡的海水味有救鲜甜，只系啲青瓜丝多咗少少，抢咗少少味啊！
京都酱油牛肉窝
$148
10 浏览
0 赞好
0 留言
店员好细心咁系上完寿司冇几耐就帮我地安排呢个牛肉锅，食完冻嘢食返啲热嘢暖下胃。喺香港，好难食到啲好味嘅牛肉锅，唔系太咸就太淡。其实我喺日本食嘅牛肉锅好多时候都系偏甜少少嘅，呢度就系𠮶种味喇！终于牛肉嘅份量都有好多块，都几有睇头㗎！😋
银鳕鱼西京烧
$158
23 浏览
0 赞好
0 留言
银鳕鱼西京烧，呢一道菜亦都系我同大少好钟意嘅！呢度烧到个皮脆卜卜，啲油香渗晒出嚟。但系个鱼依然系滑捋捋，亦都冇过分调味唔会话太咸或者太甜咁！
牛舌串烧
$48
19 浏览
0 赞好
0 留言
食完晒仲未够满足就加多两支串烧啦，顺便试吓佢啲串烧系咩质素。个牛脷系用生牛脷嚟烧成，外面系有好多日本餐厅都系用熟嘅牛脷来做串烧，虽然都会好腍，但系就冇𠮶种好juicy嘅感觉! 鸡软骨烧到脆卜卜，但系入边仲系有啲咬口，呢度啲串烧都几值得推介㖞！
两个人埋单＄1000多啲，我觉得呢度系有质素嘅，下次老爷生日都可以带佢嚟食😝😝
张贴
