一喜日本料理

营业中

休息中

同朋友喺尖沙咀行街，無意之中發現一棟大廈原來全部都係食肆，見到有間日本嘢都幾吸引就上去試吓小店舖頭細細，座位不多，但乾淨整潔，有日本風情，喺尖沙咀嚟講都算係一間價錢合理CP值高嘅日本料理魚生新鮮高質，牛肉鍋熱辣辣啱哂天氣涼涼地食，海膽炒飯👍🏻呢條街夜晚唔算多人，要上樓就更加少人，希望大家都支持本地小店，試下行街抬頭望下其實香港仲有好多高質餐廳，服務好坐得舒服嘅餐廳，見同一棟大廈都有幾間餐廳下次可以試下

一喜日本料理遠在海外嘅朋友得返嚟香港，揸完Golfkart 梗係要嘆返餐好食日菜！呢間係尖沙咀嘅壽司店就好唔錯，幾條佬特別肚餓，叫親都係碳水😂但係竟然掃晒喎，如果諗唔到有邊度食，一大班人可以揀佢！刺身拼盤 $798（帆立貝、吞拿魚、劍魚腩、油甘魚、三文魚、八爪魚、北寄貝、甜蝦）豪華咩都有齊晒，帆立貝、吞拿魚、劍魚腩等，每一款都新鮮到不得了。三文魚入口即化，甜蝦嘅鮮味難得驚喜！· 蟹籽海鮮炒飯 $178炒飯粒粒分明，加上蟹籽添咗鹹香，海鮮味十足。每一口都充滿咗海鮮嘅鮮味· 芝士大蝦卷 $138芝士嘅香濃味道搭配得好好，食落去口感層次分明，真係一絕· 加州卷 $98** 性價比高，加州卷口感清爽，適合作為小食或開胃菜

這裡是我去過最好味嘅日本魚生餐廳，魚生非常新鮮，其他食材亦10分美味，沙律，燒物都非常好，高度介紹。我知道老闆是正宗日本廚師，衹接受新鮮及高質的食材。跟其他日本餐廳是不可以作比較的

🍣同朋友好耐冇見, 梗係要搵間傾到計又坐得舒服嘅店舖聚舊啦, 誤打誤撞搵到呢間日本居酒屋, 冇諗過會咁好味😋.散嗌咗啲壽司嚟食: 三文魚, 鰻魚, 北寄貝, 甜蝦, 油甘魚, 八爪魚, 三文魚籽, 仲有三文魚刺身同牛肉紙火鍋~ 係等嘅時候店舖仲送咗一客枝豆俾我哋食添😚 三文魚刺身真心好正, 係超厚切架🥹 油香好厚~ 仲有非常欣賞佢擺放壽司嘅擺設, 一上枱時真係哇咗聲, 完全ig-able, 岩哂我哋打卡😌 牛肉紙火鍋好特別, 用紙裝住黎燒, 湯底濃, 仲要有好多配菜, 有唔同嘅菇菇, 仲有啲粉絲係入面~.呢間我覺得可以再encore🤩 中意食日本野嘅朋友唔好錯過, 重點係環境唔錯, 好岩同朋友飲杯清酒食件串燒吹下水.📌 一喜日本料理.#hkig #hkfoodie #foodporn #foodphotography #sushilovers #japanese #japanesefood #likesforlike #instalike #followforfollowback #tsimshatsui #💛

約咗好耐嘅勁食五人組今次由主角揀嘅呢間餐廳果然唔錯一入嚟嘅裝修已經覺得好靚雖然個門口好唔似門口😂然後我地五個人食咗勁多嘢首先嗰啲平時食開嘅蟹籽沙律都唔使點講重點係八爪魚嗰個沙律幾有驚喜然後因為太肚餓，主角又未到我哋靜雞雞嗌咗啲卷物食我發現呢度有紫蘇卷，我好鍾意呀唔係有太多地方有主角到場嘅時候，我哋嗌咗勁多刺身首先不得不提就係嗰隻牡丹蝦超大隻，超爽口然後到魚刺身，我又唔記得咗叫咩魚魚刺身，最好食係右下角個Pat唔記得咗係池魚定係乜嘢？爽啲嘅口感燒物嘅牛舌，又係冇得頂仲嗌咗生蠔，不過我就唔明生蠔點解要喺下面墊啲冰，呢度扣分😂鵝肝多士又好正好Juice最令我驚訝嘅係煎魚較好好食可能平時我唔食魚嘅關係，唔知原來咁好食跟住仲有蝦頭魚骨湯我係略嫌佢淡咗啲嘩今晚呢餐真係好滿足

認真搵尖沙咀有咩食時意外發現到呢間日本菜！啲嘢真係有一定水準，坐得幾舒服唔會迫迫夾夾，最緊要冇限時間❗️唔使翻枱‼️好耐冇試過食一餐飯+傾計可以坐到3個鐘🥹刺身拼盤-松串燒：牛舌、雞軟骨、雞皮龍蝦沙律銀鱈魚西京燒軟殼蟹天婦羅蟹膏炒飯京都醬油牛肉鍋(無相)刺身新鮮味美，串燒火喉不錯，龍蝦沙律啲龍蝦醬好驚艷，銀鱈魚無乜特別，軟殼蟹天婦羅個皮偏向炸魷魚鬚嗰種，蟹膏炒飯好食，牛肉鍋都係一般，因為上枱就撈勻晒唔靚就冇影🤣另外service送咗兩碟枝豆幾好食！一行6人每人大概$370落樓，不過一碟刺身拼盤都500幾，所以都預咗咁上下，唔算係超值但有個地方傾下計整體係幾唔錯。

唔知係咪新開呢?感覺似新裝修,好雅致，牆上有壁畫同小裝飾。有自然光入幾好👍Lunch menu 選擇超多，生一頁，熟又一整頁，炸物亦有，83蚊起，點咗個牛柳粒定食，HKD138餐前沙律湯得豆腐同海帶，無咩料牛柳粒好淋，用洋蔥炒好香，旁邊又配啲沙律。同事食嘅天婦羅賣相好靚，不過佢話炸得麻麻。飯麻麻，用嘅米唔特別高質。定食配coffee or tea ☕️ ，不需10%服務費

🍣松刺身拼盤💰$538😈好似好耐無岀過日本野既Post💛今日又帶大家倒帶返之前食既一喜日本料理🍣我地叫左個松刺身拼盤佢有八種盛合🍱有帆立貝呑拿魚劍魚腩油甘魚🐟三文魚八爪魚北寄貝同甜蝦🦐我最欣賞係呑拿魚佢唔會好多筋食落好滿足🤤之後帆立貝又係勁新鮮佢一件一分為二😈之後劍魚腩同三文魚同埋油甘魚🐠又係好重魚油味同埋佢啲刺身真係好厚切油香好夠🤤其他食落都唔錯不過想分享下佢個豉油比較重口味😞建議大家唔好沾太多否則會好喊同埋食唔到魚生本身既鮮味🍣另外佢仲會有個盤仔裝住一啲每日時令新鮮既魚生都可以一試🥘正宗京都醬油牛肉鍋💰$198 (S)😈食完個大滿足既刺身拼盤我地仲叫左個細既正宗京都醬油牛肉鍋🥘唔好睇佢細細鍋咁以為會食得哂🥲想講返佢入面超多餸同埋冬粉都令人好飽肚🤤佢個湯底好夠濃郁好有Sukiyaki既味道😈個咸味唔算太重口味但我覺得送飯會一流😝另外佢啲牛肉都唔係個啲cheapcheap肥牛片都叫有質素既牛肉🐮暫時未飛到日本住就推介下香港既日本料理店

午市walk in 好快就可以入座🥳裝修整潔大方 坐得舒服🤩吉烈豬扒手打烏冬 ($85)午市唔洗+1 價錢ok🧐跟餐有1個沙律 幾開胃😝豬扒炸得脆卜卜 好好味 手打烏冬都幾彈牙 份量都多 但湯底略為清淡 冇乜味😵

之前嚟過呢度食lunch，覺得幾好食，今次就是夜晚啦由於朋友唔識得生野，所以我哋就嚟食熟食叫咗牛肉鍋、天婦羅、牛舌串燒、雞翼串燒、餃子、煎鵝肝、同埋鰻魚炒飯呢啲菜式好多地方，好多港式嘅日本餐廳都有得食，但係一食落去就知道食同埋廚師功力水準好高以串燒為例，火候啱啱好，雞翼係外脆內軟，絕對唔會燒到好乾，頭飾選用嘅部份，都非常之適合用來做串燒，切到噤口，仍然非常容易咬開，又爽口，唔係間間餐廳可以做到至於牛肉鍋，無論湯底同埋個牛肉質素都非常之高，亦都非常足料成餐都非常滿足，食咗非常之開心

母親節家庭聚餐，揀左呢間居酒屋，因為見佢沒限時還枱，環境又幾舒服，而且位置方便。去到店員都幾nice，地方都幾乾淨，啲枱都唔會太密，唔錯。5個人食，所以試左好多野，續一講。首先係梅刺身拼盤，有10款刺身，好新鮮，而且刺身片都厚身，份量足。同時散叫左啲壽司，average 都唔錯。再叫左個牛油角軟殼蟹卷，呢嗰就普通，軟殼蟹比較細沒咩肉。之後有兩個鍋物，先係清酒煮大蜆紙火鍋，清清地，啲蜆都幾多幾好肉。仲有個牛肉紙火鍋，都係比較清，但牛肉就一般同比較薄。炸物我地試左雜錦天婦羅，炸漿做都唔錯，份量都ok。跟住係燒牛舌串，偏薄身，質感都唔錯，調味比較濃。燒物仲叫左鹽燒三文魚頭連鮫，好大份，燒得唔錯，幾滑幾香，係調味比較濃。之後係日式燒茄子，呢嗰幾特別。唔係一般用醬汁燒嗰種，而係完全沒落調味黎燒，按自己需要沾醬汁食。咁樣更加食到茄子既鮮甜，加上茄子好軟滑，好食~最後仲叫左嗰明太子燒飯團，就普普通通，燒得唔夠脆。

已經係第四次幫襯啦！性價比好高，好多選擇，好好坐，又就腳，同唔同嘅friend嚟都好啱，服務一流👍🏻👍🏻👍🏻已經成為咗farewell朋友嘅首選餐廳。炸豆腐好脆，好味😚雞軟骨（食到一半先記得影相🤣）深海池魚好新鮮😍😍😍魚湯雜菜煲（每次嚟都會食！魚湯好濃！）雜菜天婦羅💕好味道三文魚鮫（好香好香！）一定會再幫襯💛💛💛（餐廳另一亮點係有個服務員個樣好似謝影雪，每次見到都覺得好神奇😂）

呢間嘢我近排食咗n次，真心覺得抵。每次都係lunch食壽司，刺身或者魚生飯 set。 刺身好新鮮， 就算係lunch set 分量都超級多，十分澎湃。刺身set佢係一大盆魚生再加一碗大烏冬，分量真係好多女仔的話應該食唔曬 (除咗我！) lunch set menu 仲有好多其他熱食選擇，但我冇試過，因為佢啲魚生刺身實在太吸引。熱食的話價錢仲平的。環境都好舒服，啲枱唔會太密。總括價錢，地點，食物同環境，呢架野超級抵。十分推薦

平日放工去尖沙咀食晚飯，想揾一間環境好，坐得舒服又好食嘅日本野。無意中係OpenRice 見到呢間餐廳就上去試下。可能時間尚早，唔洗等位就有得入座。整體黎講，餐廳環境不俗，整潔乾淨而且有日本風味。食物方面，一黎就送一碟枝豆，味道唔錯。我地之後叫左前菜螢光魷魚，海膽同甜蝦壽司，全部都幾新鮮。另外，再叫咗串蠔串燒，燒出黎外皮脆入面亦都有汁。之後主食，叫咗個牛肉鍋同生薑燒豬肉飯。牛肉鍋比較特別，係用紙裝住黎燒，湯底濃厚，牛肉有牛味。整體新鮮好味。全晚店員服務質素良好，環境清靜，食物水平不俗，十分適合聚會傾計。

朋友無意中發現左呢間餐廳，係尖沙咀既中心，位置方便，食完發覺lunch set 性價比高。餐廳闊落乾淨，佈置得好好。特別讚揚員工十分有禮貌，主動幫助。我食刺身定食，帆立貝十分新鮮，而且份量十足，朋友食壽司定食，睇落都好豐富，食到一半先發現原來大家仲有一碗好大既烏冬，超級飽。另外散叫左一客日本海膽，本身想encore多一份不過賣哂了。下次再去一定會預訂一客。總括而言，係一間十分推薦既餐廳💛💛💛一定會再幫襯。