元朗冰室

营业中

休息中

元朗冰室以「厚切猪扒」及「猪扒」嘅菜式为招牌菜, 咁理论上, 佢嘅猪扒应该系: 用料靓、制作出色。但猪扒有几明显腌肉分嘅味道。呢篇食评好难写。佢地价钱公道, 抵食; 烹调手法亦唔错, 厨师煮得好好味; 服务亦唔错, 侍应经理都招呼周到、有礼貌(除了收银员外)。宵夜时段我哋嗌咗两个都有猪扒嘅菜色: <厚切猪扒饭拌莲藕饼> 及 <厚切猪扒饭配司华力肠> 饭ok、莲藕饼ok、司华力肠ok、 配菜都ok。两块猪扒外型都ok, 睇落炸得好好味。 与其中一块感觉比较薄啲, 薄啲呢一块就出事喇: 肉质好淋、好霉, 非常重腌肉粉嘅味道(重度有啲苦)。无法进食, 所以叫服务员玩过一份。佢哋好好, 了解过情况后, 帮我哋制作过一块出嚟, 叫好好多: 厚、炸得靓、肉实, 但仍然食得出有腌肉粉味道。总括嚟讲三块猪扒, 都有腌肉粉嘅味道。以我所知, 比较好及健康嘅做法, 系应该系用蔬菜去处理猪扒嘅腌制。<红豆冰> 好好饮, 好香椰奶味, 红豆大粒, 时间啱啱好, 软硬适中。<热奶茶> 香滑可口, 茶味适中。