吃扒

营业中

休息中

老友大力推介呢间扒房，话又平又好食。晏昼时间入到去，唔算多人。老友推介必食20cm 吉列猪扒，配热溶芝士汁。再点多个牛眼扒，红酒汁五成熟。一派怀旧豉油西餐风格，肉食先配西汤餐饱。肉眼扒先上，五成熟生得有啲夸张，有啲似三成。最好玩系当面帮你淋汁，炸一声，磨菇云起，细个时食铁板餐嘅兴奋返晒嚟。吉猪冇耐就上，一睇个份量已经好夸张，有厚又大。侍仔端著盆著住火嘅芝士汁，当你面淋落去，视觉效果赢晒。味道方面，牛扒就豉油西餐质素，冇乜惊喜，亦冇乜惊吓。同花园餐厅同级。猪扒就真系胜在够大，芝士汁冇乜惊喜，冇乜芝士味，应该只落左mozzarella, 味道淡似牛奶，配嘅薯菜，点芝士汁食亦都唔吸引。总括嚟讲咁嘅价钱，喺旺角食咁嘅份量，抵食。味道就传统豉油西餐，配方整个舖面80年代嘅纷围，都算情怀之选。