影片
更多
2023-03-06
79 浏览
适逢重要日子，梗系要食餐好，揾咗好耐就发现咗呢一间系闹区中嘅隐世餐厅，门口极度低调，唔睇清楚啲都唔知呢度有间日式餐厅🤣以Omakase来讲其实价钱唔算好贵，主要嘅食材就系鸡，我哋每人叫咗一个餐，希望可以试到唔同部份嘅鸡。两个餐嘅差别其实唔算好大，不过8串呢一个餐就可以试到平时比较少见嘅鸡颈， 而10串餐就可以试到多啲鸡以外嘅料理值得一赞嘅系，呢度服务超周到，每上一道菜店员都会简单介绍，俾我哋知道自己食紧啲咩先嚟一碗浓香鸡汤配免治鸡肉🍲汤味超清新，虽然细细碗但系材料绝对唔会马虎，听闻厨师熬制咗好耐，入面有自家制鸡丸、芹菜、葱头等，非常适合用作食浓味嘢前嘅开胃菜👍🏻然后就嚟到唔同类型嘅鸡肉串😆鸡柳厨师特登烧到唔系全熟，食落去就更加嫩滑，10串餐就配鱼子酱，8串餐就配wasabi，店员建议可以先食原味，然后再加七味粉或生椒粉，睇吓食落去嘅分别🤔鸡颈超推荐！ ！ ！鸡肉带有软骨，身为一个钟意食爽口嘢嘅人，觉得呢一串超弹牙同烟韧，平时出边都未必有得食🥲鸡胸超Juicy劲多肉汁！厨师特登烧到脆皮，啖啖都系炭火味😋帆立贝三文鱼籽可以一分为二，先食原味，另一串就添上wasabi，食得出好新鲜，加咗Wa
以Omakase来讲其实价钱唔算好贵，主要嘅食材就系鸡，我哋每人叫咗一个餐，希望可以试到唔同部份嘅鸡。两个餐嘅差别其实唔算好大，不过8串呢一个餐就可以试到平时比较少见嘅鸡颈， 而10串餐就可以试到多啲鸡以外嘅料理
值得一赞嘅系，呢度服务超周到，每上一道菜店员都会简单介绍，俾我哋知道自己食紧啲咩
先嚟一碗浓香鸡汤配免治鸡肉🍲汤味超清新，虽然细细碗但系材料绝对唔会马虎，听闻厨师熬制咗好耐，入面有自家制鸡丸、芹菜、葱头等，非常适合用作食浓味嘢前嘅开胃菜👍🏻
然后就嚟到唔同类型嘅鸡肉串😆
鸡柳
厨师特登烧到唔系全熟，食落去就更加嫩滑，10串餐就配鱼子酱，8串餐就配wasabi，店员建议可以先食原味，然后再加七味粉或生椒粉，睇吓食落去嘅分别🤔
鸡颈
超推荐！ ！ ！鸡肉带有软骨，身为一个钟意食爽口嘢嘅人，觉得呢一串超弹牙同烟韧，平时出边都未必有得食🥲
鸡胸
超Juicy劲多肉汁！厨师特登烧到脆皮，啖啖都系炭火味😋
帆立贝三文鱼籽
可以一分为二，先食原味，另一串就添上wasabi，食得出好新鲜，加咗Wasabi都唔会盖过鲜味👍🏻
味噌白萝卜
喺Omakase嘅中段上菜，感觉就好似俾自己唞一唞，每一口都系清新可口嘅白萝卜汤味，上面仲有白菜仔同埋超可爱嘅茄子年糕🍆
鸡肾变鸡心
由于咁啱卖晒鸡肾，所以就转咗做鸡心🤣第一下听到嘅时候心里吓一吓，因为本身有啲惊腥味🥲不过食落去完全冇呢一个问题！厨师提醒我哋要落生椒粉嚟balance腥味，由于鸡心新鲜所以食落冇想像中咁腥，肉质淋厚而弹牙，唔讲真系唔知食紧心😛
鸡腿
同鸡胸有啲似，硬身啲实啲，外皮有啲焦香😙
鸡尾
少少肉连肥膏，少少腻🙈
生麸矶边烧
烘过既紫菜中间夹住带有芝士嘅面筋，食落似年糕，趁热食一啲都唔腻！
冲绳酸拌海蕴
酸酸甜甜嘅海藻，入面仲有花同姜味，好开胃🐝
时令蔬菜-菇
劲Juicy🤤🤤秘制酱汁，咬落满口高汤😋
自家制月见免免治鸡肉
将烧到脆口嘅免治鸡肉串浸入搅匀好嘅蛋液，软身得嚟又香口😋
和牛西冷
蘸岩盐or Wasabi都得✅烧到三五成，食落软淋淋，不过略嫌牛味稍少🙈
三元猪柳
三元猪，系由三种猪混种而成，肉质相对干身啲，厚身而不韧，加上黄芥辣一齐食又系另一种风格👏🏻
鸡肉茶泡饭
饭上面有蛋丝同鸡丝料，另附上紫菜、玄米粒、柚子胡椒，可以按照个人口味而调味👍🏻汤嘅份量都比想像中多，鸡味十足，绝对冇偷工减料，配埋玄米粒一齐食好有口感！🫶🏻
鸡白汤拉面
同泡饭一样，面上有鸡丝，汤底同样浓郁，面质够晒烟韧😆
自家制布甸 配黑糖菓子
布甸入口即溶，超滑而蛋味浓郁，配埋果子一齐食可以解腻😋😋
夹馅雪糕
有啲似三文治雪糕🥪好脆嘅樱花皮🌸入面夹住红豆同云呢拿雪糕，「咔」一声，同时满足咗软硬口感🫶🏻
张贴
