重房 (已搬遷) 新店位置

重房系铜锣湾新开嘅日本餐厅，环境阔落除咗吧枱外，仲有包箱，真系好少见，晚市omakase有2个价钱，而且难得庆祝节日就开多枝sake。时令刺身：- 鳕鱼白子：鳕鱼白子嘅滑顺口感同酸汁同一味粉嘅辣味搭得好岩，完全唔会腥- 日本冰见寒𫚕刺身：冬天先有嘅寒𫚕肥美，油脂香之余好鲜味- 池鱼碎切：池鱼嘅鲜甜同西兰花苗同醋面豉搭得好好，口感丰富而且味道均衡- 岩手县真蚝：新鲜嘅岩手县真蚝散发住海嘅咸鲜甜- 北海道BB银鳕鱼：结合咗BB银鳕鱼同黑松露，豪华又美味，鱼肉嘅鲜嫩同黑松露嘅香气一齐食- 香箱蟹：作为主角嘅香箱蟹，肉质鲜美甜嫩，每一啖都系肉，淋上嘅醋果然系同蟹嘅绝配- 𩽾𩾌鱼肝：以最中饼夹𩽾𩾌鱼肝、士多啤梨、芽葱同淡雪盐，独特嘅组合带来丰富嘅口感同惊艳嘅味道食完刺身喺食寿司前有1,2道间场料理嘅和食：- 矶煮鲍鱼：鲍鱼嘅丰润口感同鲍鱼肝酱嘅浓郁味道为亮点，口感十分软嫩，回味无穷- 甘鲷立鳞烧：甘鲷嘅鲜嫩烧烤同分子料理南瓜汤嘅创新搭配，几有惊喜嘅味觉冒险寿司：- 赤贝：大只夹弹且鲜美，同橘子汁同柚子皮嘅酸甜相融合，口感清新- 甜虾：甜虾软糯鲜美， 特制豉油用上虾膏熬制，虾味浓郁- 黑鯥：微微炙