一番風味 (已結業)

我系九龙人, 无咩必要都唔会过大岛, 今次过铜锣湾帮人占卜, 搅掂完当然去医肚啦, 第一时间就谂起一番风味!好担心一番风味步诚昌后尘咁成名之后就质素下降, 所以… 有时间就食多一转得一转! 及时行乐!另外再点咗只黄金软壳蟹同红酒扣牛尾.黄金软壳蟹 : 首先, 好热! 辣咀! 外表好似铺上一层泡, 但一入口咸蛋黄嘅咸香味即刻出哂黎. 软壳蟹亦炸得香脆唔肥腻, 欣赏!红酒扣牛尾 : 自己绝少食牛尾, 所以唔清楚牛尾肉质特点, 单单以眼前嘅牛尾评论, 牛尾肉质超松软, 而且浓郁嘅红酒汁原完入哂味, 话就话系红酒汁但相信过火之后嘅红酒味已经挥发哂, 所以酒味唔强, 啱哂唔太中意酒味嘅我, 单单哩碟小菜, 已经可以连送3碗饭. 爆like.主角 招牌膏蟹粥: 哗! 主角出场啦! 颜色仍然系金黄色, 一打开煲盖, 蟹味扑鼻, 一入口水蟹同蟹膏味强烈, 20年前食诚昌水蟹粥嘅感觉完全翻哂黎! 攞埋个蟹盖上下左右不停濑! 濑到干干净净! 无哂仪态，成煲粥，一d都无浪费，食哂！我次次食粥都因为病，只有食一番风味嘅膏蟹粥系例外！