影片
更多
2023-10-16
1191 浏览
Book咗16/10嘅自助晚餐，冷盘质素唔高，热盘都无咩好食。最推荐嘅大慨系蟹粥同埋鱼生。其他食唔出有咩特别。全程感觉似系番咗日治时期咁，呢样话咩咩咩生蚝每人每次限取两只，果度摇下铃话限量片皮鸭卖晒就无。好听d咪话系惜食唔好嘥，实情系你无咁大个头，就唔好带咁大顶帽啦。你系觉得香港人未见过世面，样样都会夹多夹浪费咩。长脚蟹又唔系一级靓货，冷盘又唔系特别吸引，点解要等你夹俾我无得拣先，我无手咩。生蚝又唔系即场开，只系揾人冲下水，就话每次只可拎两个，我成围台十个人，一人食半打，咁我咪要出黎几十次，扶老携幼果d点算？系咪你小气咋，想等人行多d，间接减低佢地拎嘅意欲咋。就连野饮都限一人拎一杯，我果阵一手拎紧个碟，想叫两杯野饮快快手番去同朋友庆祝生日食蛋糕，负责个呀婵问我拎唔拎到，我咪同佢讲，我一阵番黎拎第二杯。点知佢竟然话后面人多呀，你拎唔到就下次番黎排过队啦。乜原来一条队要排两次，我仲以为佢会俾个托盘我定帮我拎添，我也是O了。最搞笑嘅系，食食下有人摇铃，然后一堆人冲出去排队，原来系拎片皮鸭，一人限取两件。我心谂如果有位爷爷同个坐轮椅嘅婆婆一齐黎食，大家又中意食片皮鸭，咁爷爷是咪要推埋婆婆出黎先
全程感觉似系番咗日治时期咁，呢样话咩咩咩生蚝每人每次限取两只，果度摇下铃话限量片皮鸭卖晒就无。好听d咪话系惜食唔好嘥，实情系你无咁大个头，就唔好带咁大顶帽啦。你系觉得香港人未见过世面，样样都会夹多夹浪费咩。长脚蟹又唔系一级靓货，冷盘又唔系特别吸引，点解要等你夹俾我无得拣先，我无手咩。
生蚝又唔系即场开，只系揾人冲下水，就话每次只可拎两个，我成围台十个人，一人食半打，咁我咪要出黎几十次，扶老携幼果d点算？系咪你小气咋，想等人行多d，间接减低佢地拎嘅意欲咋。
就连野饮都限一人拎一杯，我果阵一手拎紧个碟，想叫两杯野饮快快手番去同朋友庆祝生日食蛋糕，负责个呀婵问我拎唔拎到，我咪同佢讲，我一阵番黎拎第二杯。点知佢竟然话后面人多呀，你拎唔到就下次番黎排过队啦。乜原来一条队要排两次，我仲以为佢会俾个托盘我定帮我拎添，我也是O了。
最搞笑嘅系，食食下有人摇铃，然后一堆人冲出去排队，原来系拎片皮鸭，一人限取两件。我心谂如果有位爷爷同个坐轮椅嘅婆婆一齐黎食，大家又中意食片皮鸭，咁爷爷是咪要推埋婆婆出黎先配给到呀？如果你真系限定每人限取，咁不如逐张台派啦。咁小家，仲要摇铃，当人系狗咩。
呢个质素(no matter food or service)都对唔住佢个价钱，奉劝大家唔好拣呢间，费事人地真系以为自己好巴闭。
张贴