影片
更多
2015-10-29
151 浏览
路过旺角食lunch见到呢间日式餐厅。门口贴晒posters自称D乌冬好掂咁就谂住试下啦， 点知…中伏了! 入到去得一个打紧手机game嘅侍应同应该系老板嘅男人系度计紧数。 厨房传出阵阵打机嘅声音， 成间铺感觉劲hea。 坐低睇咗一阵餐牌就点咗个杂锦乌冬。冇加$8蚊转赞岐乌冬或$10转稻庭乌冬。 老实讲点解要加钱转靓乌冬，佢唔系标榜自己D乌冬好掂架咩？好快个乌冬就到咗，侍应一掉低就返埋位继续玩手机game。 先形容下系点上枱嘅。 托盘上有块小木板而装著个乌冬嘅一个有手柄嘅铁锅就放系个块木板上面。筷子同匙羹喺托盘到就调转方向兼放系左面。 铁锅柄就栋高咗。 心谂，咁点食呀？顶住㖞。推下个铁柄原来stuck 咗，用咗D力先推得低佢开始食。未食第一口就闻到阵阵”宿”味，心谂。。哗! 唔系呀嘛咁都得？个乌冬臭咗？! 点知再闻真D原来臭味唔系个乌冬发出嚟，系个托盘+木板+匙羹到散发出嚟嘅。 哗! 真系难顶! 三件嘢一齐发出呢D味个厨房干净极有限啦! 到呢度我已经冇晒胃口兼觉得自己完全中晒伏，决定食几口走人。 味道方面佢比嘅料都系平野。 炸虾里面只虾似甜虾size，个D海苔好硬，好似未煮淋，炸鸡有姜
入到去得一个打紧手机game嘅侍应同应该系老板嘅男人系度计紧数。 厨房传出阵阵打机嘅声音， 成间铺感觉劲hea。
坐低睇咗一阵餐牌就点咗个杂锦乌冬。冇加$8蚊转赞岐乌冬或$10转稻庭乌冬。 老实讲点解要加钱转靓乌冬，佢唔系标榜自己D乌冬好掂架咩？
好快个乌冬就到咗，侍应一掉低就返埋位继续玩手机game。 先形容下系点上枱嘅。 托盘上有块小木板而装著个乌冬嘅一个有手柄嘅铁锅就放系个块木板上面。筷子同匙羹喺托盘到就调转方向兼放系左面。 铁锅柄就栋高咗。 心谂，咁点食呀？顶住㖞。推下个铁柄原来stuck 咗，用咗D力先推得低佢开始食。
未食第一口就闻到阵阵”宿”味，心谂。。哗! 唔系呀嘛咁都得？个乌冬臭咗？! 点知再闻真D原来臭味唔系个乌冬发出嚟，系个托盘+木板+匙羹到散发出嚟嘅。 哗! 真系难顶! 三件嘢一齐发出呢D味个厨房干净极有限啦! 到呢度我已经冇晒胃口兼觉得自己完全中晒伏，决定食几口走人。
味道方面佢比嘅料都系平野。 炸虾里面只虾似甜虾size，个D海苔好硬，好似未煮淋，炸鸡有姜味同好咸，似系隔夜送，个乌冬面嘅质素同超市买cheap cheap牌子乌冬相约。
好后悔冇揾间茶餐厅食晏。。。。
PS， 我未见识过一间餐厅有咁多要“小费”嘅rules贴出来。切饼费，开瓶费，带外来嘢食要小费，最低消费 等等。。。老板系咪好等钱使
张贴
