影片
更多
2007-10-14
4 浏览
今日一支公去食晏, 由于冇咩心水想食咩, 于是就边行边揾, 行到呢间食店前立即却步, 心想食粥还是其他好呢? 横竖都系求其一间, 倒不如试一试啦, 于是乎就入左去!坐底睇左都好耐都唔知食咩好, 又想食粥又想食面, 十五十六都唔知点好, 于是乎师傅决定要一碗云吞面同一碗皮蛋瘦肉粥!率先送上皮蛋瘦肉粥, 粥好够热但系唔够绵, 都几水下, 而且味精都几重, 皮蛋都算多几足料, 但皮蛋唔算好味, 反而仲食到有少少怪味, 而瘦肉就真系几瘦, 都几鞋口下, 麻麻地; 云吞面反而出色d, 云吞面一碗有五粒, 云吞唔算大粒但个皮够薄个馅都可以, 系以虾为主不过系虾仔, 好细只虾仔不过就好爽口, 而面好烟烟韧韧几爽口, 有少少碱水, 汤底够清味精唔算重, 比麦文记更大碗要好味, 得㖞!总括而言呢间食店唔算抵食, $19碗云吞面, $20碗皮蛋瘦肉粥, 埋单$39! 环境一般卫生情况一般, d辣手油系冇盖封住, 仲有d乌蝇系咁飞! 师傅觉得面好过粥, 如果下次要再黎就一定唔会食粥喇, 不过都唔知仲有冇下次呢?
坐底睇左都好耐都唔知食咩好, 又想食粥又想食面, 十五十六都唔知点好, 于是乎师傅决定要一碗云吞面同一碗皮蛋瘦肉粥!
率先送上皮蛋瘦肉粥, 粥好够热但系唔够绵, 都几水下, 而且味精都几重, 皮蛋都算多几足料, 但皮蛋唔算好味, 反而仲食到有少少怪味, 而瘦肉就真系几瘦, 都几鞋口下, 麻麻地; 云吞面反而出色d, 云吞面一碗有五粒, 云吞唔算大粒但个皮够薄个馅都可以, 系以虾为主不过系虾仔, 好细只虾仔不过就好爽口, 而面好烟烟韧韧几爽口, 有少少碱水, 汤底够清味精唔算重, 比麦文记更大碗要好味, 得㖞!
总括而言呢间食店唔算抵食, $19碗云吞面, $20碗皮蛋瘦肉粥, 埋单$39! 环境一般卫生情况一般, d辣手油系冇盖封住, 仲有d乌蝇系咁飞! 师傅觉得面好过粥, 如果下次要再黎就一定唔会食粥喇, 不过都唔知仲有冇下次呢?
张贴