燒房焗 (已結業)

Item: 燒房焗
Rating: 5
Author: MirandaHobbes

The Grill Station

12 食记

味道

环境

服务

卫生

抵食

3101

跑马地

$101-200

日本菜多国菜炉端烧厨师发办居酒屋

MirandaHobbes

等级1

每次嚟哩度都有好多惊喜!! 几年无试, 搬左去跑马地, 而家menu 比以前多左好多嘢, 两个人一次真系试唔晒...Happy Hour 系 16:00至20:00, 之后就22:00至02:00, 我地就啱啱系后段宵夜 Happy Hour, 有好多嘢食都特价!! 先嚟前菜芥末八爪鱼! 有啲好清新嘅青瓜丝系底同青蒽系面, 食落正好中和一下芥末八爪鱼强烈嘅味道, 好!仲叫左今日嘅 Special, 薯仔沙律. 可能好多人觉得薯仔沙律系啲 cheap 嘢, 但其实系居酒屋必食之选 (如果系日本嘅话).. 哩个薯仔沙律 creamy 得嚟又唔黏口, 有粒粒薯仔、九州鸡蛋、薄切青瓜、红萝卜 (但却无红萝卜那种乞人憎的青味), 仲有少少新鲜洋蒽嘅辛口中和左种本来薯仔比人 heavy 嘅感觉, 都只系 $48, 的确抵.既然系 Happy Hour item 之一, 点可以错过大根煮! 听闻系日本青颈大根, 好甜好清, 汤汁唔太浓, 味道啱啱好! 配嘅黄芥末系唔系通常用好 "供鼻" 那种, 是有啲咸味、温和嘅黄芥末, 加少少系大根上面, 味道更有变化.好易忍唔住, 连汤都饮埋.哩啲 "自私" 嘢

仲叫左今日嘅 Special, 薯仔沙律. 可能好多人觉得薯仔沙律系啲 cheap 嘢, 但其实系居酒屋必食之选 (如果系日本嘅话).. 哩个薯仔沙律 creamy 得嚟又唔黏口, 有粒粒薯仔、九州鸡蛋、薄切青瓜、红萝卜 (但却无红萝卜那种乞人憎的青味), 仲有少少新鲜洋蒽嘅辛口中和左种本来薯仔比人 heavy 嘅感觉, 都只系 $48, 的确抵.

既然系 Happy Hour item 之一, 点可以错过大根煮! 听闻系日本青颈大根, 好甜好清, 汤汁唔太浓, 味道啱啱好! 配嘅黄芥末系唔系通常用好 "供鼻" 那种, 是有啲咸味、温和嘅黄芥末, 加少少系大根上面, 味道更有变化.好易忍唔住, 连汤都饮埋.哩啲 "自私" 嘢都系一人一件稳阵 : ]

免治鸡肉棒好多居酒屋都有, 但一般都系捧状嘅肉饼咁, 但哩度嘅鸡肉棒除左爽口嘅鸡肉之外仲有适量嘅鸡软骨, 同埋浓甜刚好的烧汁, 加上九州嘅生鸡蛋黄, 唔单止唔会觉得 "流", 仲令啱啱烧起嘅鸡肉棒加多左份湿润同埋香甜, 必食之选!!

既然做特价 $98, 又点可以唔试下! 有松叶蟹脚同日本鹌鹑蛋嘅甲罗烧!! 一放低已经闻到劲香嘅蟹羔同烧过嘅甲壳味!! 浓郁嘅蟹羔系无敌的, 捞起鹌鹑蛋又多种甜, 将一梳梳蟹脚同羔放上饼仔上面作为轻食, 既满足又唔会过饱.

系时候试下哩度嘅名物 : 辣!! 哩度有唔同嘅鸡翼, 仲有唔同嘅造法. 今次试个特价简单版 -- 爆炸鸡翼 $30. 个阵辣味系个碟放低已经闻到果种, 个样都唔系人咁品. 我同朋友一人叫左一只, 朋友食到眼水都标埋, 我试左一啖已经放弃... 果种辣系香口的, 鸡翼亦系皮脆肉嫩, 但实在唔系我哩啲凡人食...

一场嚟到, 朋友话唔可以唔再食佢哋咁多年出晒名嘅 "阿妈唔认得面" , 而家佢地仲有BB班, 咁就叫左个BB1 试下. 结果都系好辣. 面系好食嘅, 汤都好味, 唔系个种为辣而丧落辣椒或者辣酱嘅死辣或者咸. 面下面仲有个九州生蛋, 捞起嚟个汤除左辣咸香仲多左份甜, 充满辣汤嘅面当中又夹杂住爽口嘅青蒽同埋微酸带甜咸嘅泡菜, 系好好嘅配搭.

不过, 我都系食唔到几啖就辣到停左, 再叫返啲 "正常" 嘢嚟中和下, 于是拣左豚肉生姜烧. 正常食日本菜, 除非午餐, 如果唔系都好易被忽略嘅一道菜. 哩度都造得好唔错! 见到就觉得好舒服嘅生姜烧, 唔会太多汁 (尤其系果种劲甜嘅烧汁最憎!), 有好新香嘅姜味加上太量新鲜疏菜同埋日本新鲜椰菜丝, 系一道简单得嚟好细心嘅小品.

最后, 其实已经系饱左, 但都想再食啲.... 就叫左吉列芝士年糕. 因为出面通常见到都系烧或者炸, 吉列就未试过. 好彩有种无明嘅好奇心, 无错过哩个唔起眼嘅菜式!! 松脆而唔油腻嘅薄脆吉列之下就系少少烟韧同微甜嘅年糕, 再嚟系中间好热有少少咸香嘅芝士. 好有惊喜, 亦系今餐好完满嘅句号!!! 两个人, 六百蚊, 好ok !!