蘭芳茶餐廳 (已結業)

去茶餐厅为咩? 目的都系为左快. 要靓要好食,撞入去茶餐厅你九成失望.但若果一间茶餐厅除左快之外, 仲加左服务快, 笑容同怀旧,我谂点都会加d分.兰芳到现在都用余均益辣椒酱而唔用桂林或潮式辣椒油,显示到佢地怀旧的味道.试问现在有几多人仲识余均益?佢地d伙计个个口甜舌滑, 你唔好理佢真心假意, 你爽快时佢仲爽快, 你睇佢地d人手比例同笑容风趣, 好多大食肆都比唔到. 当然, 都有见过你烦多两句佢地都会腰润你, 咁既然系得茶餐厅...算啦!系铜锣湾区, 有间咁的食肆, 包罗万有, , 食物不过不失, 侍应风趣幽默, 各样都中规中矩, 就系因为佢枝余均益辣椒酱, 俾面佢, 去多两次, 缅怀旧事, 缅怀旧时的人情味. 点都好过d扮高级九唔搭八贵夹唔饱服务欠奉的份子美食.