聯發燒臘飯麵家

营业中

休息中

话说今日好想吃烧味，但太兴老板廿蚊张咁devil,点食得落呢？咁唯有周围search下有冇黄色烧味舖，原来系冇嘅...喺select the less evil嘅原则下，我入咗联发，唔知佢系未黄店，但起码唔系蓝店先。中年叔叔侍应几有礼貌，见客人嚟即刻抹好张枱，又有少少笑容，算系咁啦！睇下餐牌，都系草根D，但胜在简单易明，食物取价都好公道，比太兴仲平D㖭！一于叫个叉鹅饭食下啦！再加个明火例汤，正吖喂！哗哗哗！简直感动到想喊吖！叉烧厚切，半肥瘦，肉汁丰富，焦香可口，销魂过黯然销魂饭烧鹅俾咗胸部，但一啲都唔柴，而烧鹅皮仲要系脆㗎，问你点抵抗丝苗白饭，粒粒分明，而且又有米香，perfect池最后，一大碗足料例汤，唔系咩矜贵用料，都系烧猪骨同白菜齐齐煲，但就真系老一代人嘅传统，好味到爆埋单先61蚊，咁嘅分量，咁嘅质素，睇唔到咩理由要继续帮衬太兴lor!另外，建议黄色经济圈尽快抢滩烧味界，唔系饿亲叉鸡饭吖叔点算呢！p.s.今次食评要配合番草根烧味嘅特色同食完后的滚动心情，所以风格有少少改变。