台灣郎 (已結業)

餐廳內在環境唔錯，價錢又平，同朋友就入左去點菜一般餐廳比較少有油麥菜，所以我就嗌左呢個菜，估唔到個菜咁大碟，炒得好香，帶少少辣椒味又有炸蒜味，最終食晒成碟，食咁多肉一定要食碟菜中和一下呢個沙律有d似薯蓉，口感好滑，涼涼地咁，做前菜好開胃，仲加左番茄同黑淑，令味道更豐富😋肉燥飯作為台灣最出名同地道既野食，呢間台灣菜做得都好地道，肉香而唔膩，好有台灣特色，而且份量好足，每一啖飯都可以食到肉。另外，佢個汁好香口，有油香，滲入飯入面好入味！配上蛋，菜同醃蘿蔔，三樣都係台灣地道食法，係香港都食到正宗台灣風味！至於餐飲，就叫左杯凍既珍珠奶茶，普遍珍珠奶茶都會好甜，但呢到既珍珠奶茶就比較少甜，奶茶味相對重啲，好適合中意飲珍奶但又怕重甜致肥既我