囍 (已結業)

一入到去间餐厅，其实就觉得个环境整体都唔似打边炉嘅地方，因为都冇打边炉嘅味道，通风好好。我估计可能间餐厅身处嘅地方有少少入嘅，所以就少人知啲啦，相对嚟讲，人比较少，但系嘢食款式绝对唔少。佢近门口有一个area系专放啲任拎嘅边炉料，包括：各种的蔬菜，丸类，仲有其他配料；但系令我impressed 嘅系 -- 佢有唔同酱料嘅选择，由平常见到嘅，到少见嘅都有，真心适合我呢个「混酱」王。仲有一个饮品柜，入面除左平时有嘅7up同百事，仲有4款纸包饮品，由唔甜到好甜都有；啤酒都有几个牌子添呀。讲返重点：边炉个汤底。我打边炉都好著重汤底，因为汤底个味系好影响𠮶啲边炉料个味嘅。我今次就试左佢嘅招牌汤底：木瓜椰子黄金鸡！佢首先好细心咁有预备一个漏斗去计时，个漏斗漏完啲鸡就熟啦，而且仲预备左沙姜同埋青柠俾你自己整个source，然后点鸡食。我想讲，咁样食，个鸡肉好！好！食！真心推介呢个食法。顺带一提，其实我拣个package只系$138，但系呢度service，配套，嘢食成件事都真系好好，侍应会不断加汤，有wifi，而且坐得好舒服，一流！再战之选！