龍門冰室 (已結業)

系poly 做完野，同朋友谂住系红磡揾下好野食，行行下发现左呢间龙门冰室咁多年黎都冇食过，见佢门面新净，就入去试试啦！首先睇佢嘅餐牌，发觉啲菜色选择都几丰富，除左有一般冰室嘅早午餐，常餐，同埋碟头饭焗饭之外，仲有唔少特色食物，例如有蛋包饭，韩式泡菜铁板饭，英式全日早餐，麻辣米线，同埋日式玉子烧等等，如果有时食厌左茶记食物都算有另外嘅选择👍🏻我地叫左几款食物，第一样系芝士焗西兰花，用左大量芝士，邪恶感十足！然后系蜜糖鸡翼，略嫌有少少干身。主菜方面，叫左个咖哩汁庵列炸鱼柳配意粉，个咖哩汁系偏港式带点微辣，炸鱼柳几嫩滑，配埋炒得半熟嘅庵列蛋好丰富👍🏻第二个主菜系韩式泡菜铁板鸡扒鸭胸饭配黑椒汁，鸡扒肉质juicy唔鞋身，但可惜嘅系拣左个黑椒汁唔太夹泡菜。最后两个人叫左咁多野加埋野饮每人都唔过一百蚊，几抵食，poly 嘅学生又多个选择啦！